Партијата на Саркисјан е победник на изборите во Ерменија
7 мај 2012![](https://static.dw.com/image/15932997_800.webp)
Владејачката партија на Серж Саркисјан, по пребројани три четвртини од гласовите, освои 44,41 проценти гласови. На втора позиција е партијата Просперитетна Ерменија на милионерот Гагик Зарукјан, со освоени 30,52% гласови. На трето место, со совоени 6,85 проценти од гласовите се најде партијата на поранешниот претседател на земјата и денешен шеф на опозицијата, Левон Тер-Петросјан.
Изборите за 131 пратеник во парламентот во Ерменија се третираат како тест за веродостојноста на демократските стремежи на земјата, поради тоа што претходните избори во 2008-ма година, беа засенети од крвави безредија, во кои маше десетмина загинати.
Организацијата за безбедност и соработка во Европа имаше свои набљудувачи на изборите и денеска треба да ја даде оценката за текот на гласањето. ОБСЕ нема регистрирано поголеми неправилности во текот на предизборната кампања.