„Патот кон НАТО и ЕУ преку заедничко прифатливо решение„
6 ноември 2007Грчкиот министер за надворешни работи Дора Бакојани смета дека прашањето за уставното име на Македонија не е емоционално туку прашање на регионална стабилност. „Ние ги покажавме нашите добри намери, сега нашите пријатели во Скопје исто така мора да преземат чекори од своја страна„ изјави Бакојани во обраќањето во лондонската школа за економија.
Ниту една воена алијанса и партнерство не може да постои без взаемна доверба и добрососедски односи единствениот пат за Скопје кон НАТО и ЕУ е патот на заедничко усогласено решение, изјави Бакојани.
Шефот на грчката дипломатија го обвини раководството во Скопје дека и покерај грчките потези на добра воља делува провокативно и се служи со политички јазик од 19 век. Про македонската теорија која Скопје се обидува да ја фабрикува во обид да добие поддршка за својот идентитет и актите на провокација создава анахронизам вели Бакојани.
Таа смета дека Македонија е широк географски регион од кој повеќе од 50% и припаѓаат на Грција. Два ипол милиони грци, меѓу нив и премиерот Костас Караманлис се чувствуваат горди заради тоа што се македонци, изјави Бакојани.
Според нејзе Атина му дава целосна економска и политичка поддршка на северниот сосед, во кој досега има инвестирано една милијарда евра. 20 илјади луѓе според неа живеат од парите на Грција.
Бакојани, која утре треба да допатува во посета на Берлин зборуваше и за Косово. Таа притоа нагласи дека Косово е европски проблем, кој мора да добие европско решение. Грчката министерка истовремено предупреди дека каква било унилатерална иницијатива би претставувало закана за долгорочната стабилност.