Регионот на Алзас е еден од најтешко погодените од коронавирусот во Франција. Состојбата таму полека излегува од контрола, а напливот на пациенти е толку голем што некои веќе не добиваат ни нега.
Фотографија: picture-alliance/E. Cegarra
Реклама
Лекарите пријавуваат драматични состојби во францускиот регион Алзас. Во универзитетската болница во Стразбур медицинскиот персонал работи дури и ако е заразен со коронавирус, а пациенти постари од 80 години повеќе не добиваат поддршка од респиратори.
Наместо тоа, на постарите лица им се дава само „нега за крај на животот со опијати и апчиња за спиење“, наведуваат вработени во германскиот Институт за кризна медицина од Тибинген во допис до властите во покраината Баден-Виртемберг, која граничи со Алзас.
Германските медицински експерти ја посетиле болницата во Стразбур во понеделникот, и по враќањето предупредиле од „реална закана“ поради влошената ситуација. Тие ги повикуваат локалните германски власти да се подготват „под итно“ во случај епидемијата да го достигне тоа ниво и од другата страна на границата.
Според извештајот кој го пишуваат експертите, по еден пациент со потреба од респиратор се пријавува во болницата во Стразбур секој час. Сега во болницата има 90 кревети со неопходната опрема, но се работи на проширување на капацитетот. Само тројца од 90 пациенти на интензивна нега биле помлади од 50 години и без претходни болести. Сите пациенти кои можат да се движат и немаат ургентна потреба од нега се отпуштаат од болницата. Алзас е еден од најтешко погодените региони во Франција. Се смета дека верски собир во градот Милуз во февруари придонел за драматичното ширење на вирусот во регионот, но и во целата земја.
Во Франција во моментов има 20 илјади случаи на коронавирус, а 860 луѓе починаа од болеста.
Армијата во регионите на Стразбур и Милуз подготвува болници на отворено и пациенти се префрлаат таму. Освен што има голем недостаток на болнички кревети и опрема за заштита, се помалку има и медицински персонал кој може да го опслужува големиот број болни. Болниците веќе почнаа да ангажираат и лекари од други оддели како педијатри, па дури и студенти по медицина. Пет медицински работници во Франција веќе починаа како резултат на коронавирусот.
Во изолација поради коронавирус? Нема проблем
Со малку креативност можете да ја претворите изолацијата во инспирација. Еве неколку идеи како да го искористите времето во карантин, и да продолжите нормално да живеете дури и затворени во четири ѕида.
Фотографија: picture-alliance/dpa/P. Schickert
Бидете креативни со конзервираната храна
Претворањето на конзервираната храна во нешто вкусно можеби бара малку магија, но сигурно не е невозможно. На пример, експериментирајте со лакса која ги прочистува синусите или пак измешајте конзерва туна со малку пченка и свеж ѓумбир за да го зајакнете вашиот имунолошки систем.
Фотографија: Miguel Medina/AFP/Getty Images
Затворената вежбална не е изговор
Имате доволно начини да ја одржите добрата форма на вашето тело дури и ако не можете да ја посетите вашата вежбална. Загрејте го телото со фитнес вежби или јога со онлајн упатства, а доколку ви е многу здодевно искористете ги и конзервите со храна во вашиот магацин за да ги развиете вашите бицепси и трицепси.
Фотографија: picture-alliance/dpa/K.-D. Gabbert
Време е за пролетно чистење
Искористете ја можноста, засукајте ги ракавите и употребете го вишокот енергија за да го светнете секое ќоше во домот. Ова може да биде најдобриот момент за расчитување на нередот. Можете дури и да ослободите место во плакарите и да зачистите во подрумот.
Целодневното гледање на ТВ серии е гарантиран начин за опуштање на умот и телото. Можеби мини-серијата „Чернобил“ и не е најдобриот избор доколку сте во мрачно расположение. Алтернативата би било нешто полесно, како „Пријатели“. Доколку секој ден потрошите 6 часа и 20 минути на оваа серија, ќе ги изгледате сите 236 епизоди за 14 дена.
Покрај сето слободно време можеби е добар момент да ја избришете прашината од некои постари игри и да се забавувате со оние со кои го споделувате карантинот. Доколку сте сами во изолација, повеќе класични игри денес имаат и онлајн верзии па можете да играте со пријателите преку интернет.
Фотографија: picture-alliance/dpa/S. Stache
Научете нешто ново
Во денешно време можете да научите речиси се онлајн. Можеби секогаш сте сакале да научите некоја нова вештина или дури и јазик. Германски можеби? На интернет ќе најдете многу можности и за бесплатно изучување јазици, па со оглед на слободното време, нема никаков изговор зошто тоа да не го сторите.
Фотографија: Colourbox
Јавете и се на бабата
Вашите роднини секогаш се жалат дека ве гледаат само за празници. Сега е добар момент да им се јавите. Иако веројатноста дека ќе заглавите на телефон 1-2 часа е голема, сепак ќе ви се израдуваат. Притоа, ќе покажете грижа и за нив и за нивното здравје во оваа тешка ситуација, особено за постарите луѓе.
Фотографија: Heike Brauer/Fotolia
Планирајте го следниот одмор
Планирањето одмор е добар начин да избегате од вашата соба, макар и само во мислите. Исполнете го денот замислувајќи си како се релаксирате на Бали или уживате во чистиот планински воздух некаде на Алпите. Само не заборавајте да си купите и патничко осигурување бидејќи никогаш не се знае кога ќе дојде следната криза.
