Паѓа бројот на заболени од новоименуваниот коронавирус
БГ /РТР
12 февруари 2020
Кина денеска пријави најмал број на новозаболени од коронавирусот, или КОВИД-19, од крајот на јануари, давајќи им тежина на предвидувањата на кинески научници дека ширењето на вирусот може да запре до април.
Фотографија: Reuters/A. Foto
Реклама
Меѓународните научници засега не се согласни со предвидувањата дека вирусот од кој досега починаа 1.100 луѓе, речиси сите во Кина, би можел да се запре така брзо, и предупредуваат од преголем оптимизам.
Главниот кинески епидемиолог за инфекцијата, Жонг Наншан вели дека бројот на новозаболени паѓа во некои провинции, и предвидува дека епидемијата ќе ја доживее својата кулминација овој месец.
„Се надевам дека оваа епидемија би можела да заврши до април“, вели Жонг, чии претходно проценки за крајот на епидемијата се покажаа неточни.
Упатства: Како да се заштитите од коронавирус
Луѓето ширум светот ставаат заштитни маски за дишење за да спречат вирусна инфекција. Сепак, други мерки се поефикасни. Еве неколку совети засновани на упатствата на СЗО.
Фотографија: Getty Images/X. Chu
Подобро од ништо
Не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
Фотографија: Getty Images/Stringer
Дезинфицирајте ги рацете
Во својот список на препораки како да се заштитите од зарази, Светската здравствена организација не споменува маски за лице. На врвот е често миењето на рацете. СЗО препорачува дезинфекциско средство за рацете на база на алкохол, како на фотографијата, кои најчесто ги гледаме во болниците
Фотографија: picture-alliance/dpa/S. Pilick
И сапун и вода ќе завршат работа
Поедноставното секојдневно решение се водата и сапунот, ако ги имате при рака. Но, проверете дали темелно ги миете рацете...
Фотографија: picture alliance/dpa/C. Klose
Кашлање и кивање - но направете го тоа правилно!
Еве што препорачуваат лекарите: Кога кашлате и кивате, покријте ја устата и носот со вашиот подигнат лакот. Или користете книжни марамчиња - но потоа веднаш фрлете го марамчето и измијте ги рацете. А кошулата или џемперот? Не, нив не мора да ги фрлите. Но, перете ги често или однесете ги на хемиско чистење.
Фотографија: Fotolia/Brenda Carson
Стојте подалеку!
Друга препорака која можеби не функционира за сите: Избегнувајте близок контакт со секој кој има треска и кашлица! Ако треба да имате контакт со болни луѓе, погрижете се да преземете дополнителни заштитни мерки.
Фотографија: picture alliance/empics
Имате треска? Одете на лекар, а не на патување!
Ако имате треска, кашлица и отежнато дишење, побарајте лекарска помош навреме. Избегнувајте јавни места за да не ги инфицирате другите. И, исто така, објаснете му на вашиот лекар каде претходно сте патувале.
Фотографија: Reuters/P. Mikheyev
Избегнувајте контакт!
При посета на сточни и зелени пазари во области во кои во моментот има случаи на новиот коронавирус, избегнувајте директен незаштитен контакт со живи животни. Тоа исто така вклучува какви било површини кои се во контакт со животни.
Фотографија: DW
Добро термички обработено - не сурово!
Варете,печете и пржете го месото темелно. Потребно е да се избегне конзумирање на сурови, недоволно термички обработени производи од животинско потекло. Со суровото месо, млекото или животинските органи треба да се постапува внимателно за да се избегне инфицирање од термички необработена храна. Овие се добри практики за безбедност на храната и помагаат да се спречи ширењето на болести.
Фотографија: picture-alliance/Ch. Mohr
8 фотографии1 | 8
Вкупниот број на заболени од коронавирусот во Кина се искачи на 44,653, вклучително и 2,015 новозаболени во вторникот. Тоа е најмалиот дневен раст од 30 јануари. Кина минатата недела го измени правилникот за превенција и контрола на коронавирусот и наложи за потврдени случаи да се сметаат само оние кои имаат клиничка потврда.
Иако кинеските власти велат дека состојбата е под контрола, Светската здравствена организација (СЗО) предупредува дека епидемијата претставува потенцијална глобална опасност поголема и од тероризмот.
„Светот мора да се разбуди и да го смета овој непријателски вирус за јавен непријател број еден“, изјави првиот човек на СЗО, Тедрос Аданом Гебрејесус, додавајќи дека за изработка на вакцина за вирусот ќе бидат потребни уште 18 месеци.
Прашан за предвидувањата на Жонг, првиот човек на австралиското здравство Брендан Марфи оцени дека тие се преуранети.
Ширум светот пријавени се десетици нови случаи на вирусот. Најголемата група луѓе која боледува од вирусот надвор од Кина во моментов е на крузерот „Дајмонд принсес“ кој е во карантин пред јапонското пристаниште Јокохама со 3.700 патници и членови на екипажот. На бродот има вкупно 175 луѓе заразени од коронавирусот.
Во меѓувреме коронавирусот доби и ново име: КОВИД-19. КО е за корона, ВИ за вирус, а Д за болест (на англиски disease) и 19 за годината во која се појави.
Кина: Со сите сили и методи против корона-вирусот
01:14
This browser does not support the video element.
Проценките на кинеските власти за скорешна кулминација на вирусот, им дадоа надеж и на берзите, каде беше забележан раст на акциите. Но дури и навистина брзо да заврши епидемијата, кинеската економија веќе претрпе огромни загуби. Голем број фирми отпуштаат работници, а други бараат заеми во вредност од милијарди долари за да го спасат бизнисот.
Кинескиот економист Ву Чаоминг прогнозира дека се загрозени работните места на 24% од работната сила во земјата, или вкупно 186 милиони луѓе, кои би можеле да добијат намалени плати или да бидат отпуштени.
