Перу - светски рекордер по смртност од Ковид-19
1 јуни 2021![Peru Coronavirus | Beisetzung der Opfer](https://static.dw.com/image/54641363_800.webp)
По ревизија на податоците, официјалниот број на починати како последица од коронавирус во Перу се зголеми на преку 180.000, како што потврди и премиерката Виолета Бермудез. Со тоа земјата со 33 милиони жители стана прва во светот по смртност од коронавирус во однос на вкупниот број население.
Причина за зголемувањето на бројот на починати во јужноамериканската земја е проширувањето на официјалите критериуми за смртните случаи кои се базираат на зараза со вирусот.
Експертска група дошл до заклучок дека претходно важечката бројка од 69.000 жртви на коронавирус е прениска. За починати од Ковид-19 досега се сметаа оние кои биле позитивни на тест. Сега во статистиката се земаат во предвид и смртните случаи кај кои врз основа на клиничките наоди се смета за веројатна инфекција со коронавирус.
Преку промената на критериумите властите во иднина ќе имаат на располагање посеопфатни податоци, кои ќе бидат од корист во сузбивањето на пандемијата, истакна Бермудез.
Повеќе:
Коронавирус: Зошто се умира најмногу на Балкан и во централна Европа?
С. Македонија меѓу првите пет во светот по смртност од Ковид-19
Колку всушност е смртоносен коронавирус?
Според пресметката на новинската агенција АФП, со новата официјална бројка Перу има квота од 5484 смртни случаи од коронавирус на еден милин жители, со што се најде на врвот на светската статистика. На второ место следи Унгарија со 3077 мртви од корона на еден милион жители. Во Перу досега се регистрирани преку 1,9 милиони инфицирани со коронавирус, а во изминатите месеци земјата беше соочена со акутни проблеми во снабдувањето со кислород за пациентите.