Грчкиот премиер Јоргос Папандреу во одложеното обраќање до нацијата порача дека партиите во земјата, и покрај големите разлики, соработуваат и прават се’ за да најдат излез од кризата. Така е постигнат и договор за создавање на нова влада. Кратко време пред излегувањето на Папандреу пред ТВ камерите, анонимен извор близок до двете големи партии посочи дека лидерите се договориле иден премиер да биде Филипос Пецалникос, досегашниот претседател на грчкиот парламент.

Премиерот Папандреу во обраќањето до нацијата поднесе и неотповиклива оставка на функцијата за да го отвори патот за нова, коалициска влада со опозициската Неа демократија. По обраќањето Папандреу се упати на разговори со претседателот на државата, каролос Папуљас.

Автор: ГЧ/ЗЈ/ртр/афп

Редактор: Горан Чутаноски