Во некои делови на светот пристапот до свежа вода се зема здраво за готово, но всушност е луксуз. Свежата вода учествува со само 2,5 проценти од вкупниот волумен на Земјата, а повеќе од половината од неа е мраз. Земјоделството користи 70% од употребливата вода. До 2050, две-третини од светското население ќе страда од недостаток на вода, што пак ќе има одраз врз сите аспекти на човековото живеење.

Трката по земјиште расте низ целата планета. Со растот на светското население, корисното земјиште се намалува, а квалитетот му опаѓа. Екстремните временски услови поради климатските промени само го забрзуваат ефектот. Земјите со бројно население, а малку обработливо земјиште, како Кина и Саудиска Арабија, веќе бараат земјиште во Африка. Земјиштето се смета за ново „злато“.

Фосилните горива секако треба да најдат места на најретките светски ресурси затоа што не можат да бидат надоместени. Денешната потрошувачка ќе доведе до нивно исцрпување. Тоа може да биде голем предизвик за држави како Ирак или Либија кои традиционално поседуваат големи резерви на нафта и природен гас.

Истото важи и за јагленот. Дури и земји како Германија се уште не се откажуваат од овој загадувачки извор на енергија. Но резервите се тенчат. Во Полска, резервите на лигнит во рудниците ќе се потрошат до 2030 година. Тврдиот јаглен можеби ќе потрае подолго, но не предолго, предупредуваат експертите. Оттука, земјата ќе мора да се откаже од јагленот набрзо- дури и ако тоа многу боли.

Доколку ги погледнете пустините, песокот се чини бескраен, но неговата природна репродукција всушност е бавен процес. Песокот е обновлив ресурс, но толку масовно се користи во градежништвото што природата нема време да го репродуцира. Во регионите во развој, како во источна Африка, каде населението ќе се удвои до 2050 година, песокот може да стане баран ресурс.

Неодговорното однесување кон живите суштества на планетата доведе неколку видови до граница на исчезнување. Животните насекаде се сметаат за ресурс на човештвото, но повеќе видови веќе се на граница целосно да исчезнат. Доколку нивната експлоатација продолжи, ќе биде загрозено и човештвото.

Се чини дека се се распаѓа и дека веќе ништо не може да се стори за да се спречи црната иднина. Но, на располагање се уште имаме време, малку, но сепак вреден ресурс. Некои тврдат дека климатските промени се уште можат да бидат спречени доколку се преземе акција во следните 12 години. И барем еднаш можеме да го користиме ресурсот до крај. Нема веќе време за чекање.

Сингапур има многу ниски стапки на инфекции со коронавирусот од октомври досега. Набљудувачите ја фалат оваа град-држава во југоисточна Азија за одржување на вирусот под контрола со внимателно следење на нејзините граѓани, делумно со апликацијата за задолжително следење. Падот на инфекциите значи дека локалното население може да посетува кино на отворено - под услов да се одржува физичка дистанца.

Јужна Африка е најтешко погодената африканска земја од пандемијата на коронавирусот. Овој пациент во болница во близина на Кејп Таун е еден од 1,4 милиони граѓани кои се заразени со Ковид-19. Новата варијанта на коронавирусот, позната како B.1.351 или 501Y.V2, само го зголеми стравот. Исто како и новата варијанта на британскиот вирус, се смета дека оваа јужноафриканска мутација е многу позаразна.

Со зголемените летни температури, многу Австралијци се во можност да уживаат во освежително пливање во океанот. Поставени се знаци за да ги потсетат посетителите на плажите да држат дистанца додека уживаат во сонцето, во обид да се спречи нов пораст на инфекции. Австралија забележа значително намалување на бројот нови случаи од септември наваму.

Келвија Андреа Гонкалвес (16) плаче на гробот на нејзината мајка во бразилскиот град Манаус - Андреа дос Реис Брасао почина на само 39-годишна возраст. Таа е една од безбројните жртви од Ковид-19 во градот кој остана без неопходниот кислород. Многу луѓе го обвинуваат екстремно десничарскиот претседател Жаир Болсонаро за мрачната состојба во земјата. Во Бразил од вирусот починаа над 221.000 лица.

Во Хонг Конг, властите оградија цели населби без предупредување како одговор на ненадејниот пораст на инфекциите. Градот, посебен административен регион на Кина, наметна слични драконски мерки за спречување на епидемијата на вирусот како оние кои беа во сила во Кина. До неодамна, стапките на инфекции тука беа многу ниски.

Американскиот рок-бенд The Flaming Lips смисли начин како да организира концерти со физичка дистанца: на неодамнешниот концерт во Оклахома Сити, бендот ја замоли публиката да влезе во пластични меури кои се надувуваат. На овој начин, тие можеа да се танцуваат додека безбедно се изолирани во сопствени меури. Публиката дури можеше да го држи на раце и фронтменот Вејн Којн кој се стркала од сцената.

Многу цркви во моментов се затворени поради пандемијата, па местата за богослужба се претвораат во центри за итна вакцинација- како тука во катедралата Лихфилд, во близината на Бирмингем, Англија. За разлика од земјите во ЕУ кои во моментов се соочуваат со недостиг на вакцини против Ковид-19, Велика Британија редовно се снабдува со дози.

Ејми Езат подготвува торта  во форма на вакцина која треба да се дистрибуира меѓу пациентите со Ковид-19 кои се лекуваат во болницата во Каиро. Египет се бори да ја активира својата кампања за имунизација низ целата земја. Сепак, на многумина можноста да се вакцинираат против коронавирусот им дава огромно чувство на надеж.