Нигерискиот поборник за заштита на животната средина Нимо Басеј е одликуван за неговите напори да ја докаже цената на човечкиот живот во немилосрдното црпење нафта. Од Бразил беше одликуван католичкиот бискуп Ервин Кројтлер за долгогодишното залагање за индијанските пражители. Непалската организација „Сапрос“ и нејзиниот основач Прикришна Упадијај, пак, мобилизираа жители од рурални средини во борба против нивната сиромаштија. Како четврт добитник се јавува израелската организација „Лекари за човекови права“, која се ангажира за унапредување на правото на здравствена заштита за луѓето во Израел и Палестина. Добитниците, покрај одликувањето од Фондацијата на Алтернативната Нобелова награда, меѓу себе ќе поделат и сума од 200.000 евра, како поддршка за нивниот натамошен ангажман.

Автор: ДС/ГЧ/ДПА

Редактор: Горан Чутаноски