Ирачките безбедносни сили, според сопствени наводи, го имаат речиси целосно вратено под своја контрола упориштето на Исламска држава - Мосул.
Фотографија: REUTERS/A. Al-Marjani
Реклама
Старото градско јадро на Мосул, според наводи на ирачките безбедносни сили, е речиси целосно во нивни раце. Терористичката милиција „Исламска држава“ (ИД) држи уште многу мал дел од овој дел на градот. „Од реката Тигар сме оддалечени само неколку метри“, соопшти претставник на ирачката армија. Тој додаде дека има голем напредок во повторното освојување на градот.
За офанзивата на ирачката армија известува ирачката телевизија, а агенцијата Ројтерс јавува за артилериски и воздушни напади врз последните позиции на ИД. Еден од командантите со офанзивата изјави дека последните борби се многу тешки поради жестокиот отпор. Екстремистите на ИД употребуваат атентатори самоубијци против напаѓачите, изјави тој.
Највисокиот по чин полициски командант, Раид Шакир Џаудат, изјави дека неговите единици исполниле 99 проценти од воената задача во Мосул. Почнаа „последните чесови“ од борбата за градот, рече тој.
Фотографија: REUTERS/A. Saad
Мосул е последното големо упориште на Исламска држава во Ирак. Екстремистите го зазедоа милионскиот град на северот на Ирак пред околу три години. Минатиот октомври ирачките владини сили започнаа офанзива за потворно заземање на градот. Тие имаат поддршка од воздух од Анти-ИД коалицијата. Во подрачјето каде што се водат борби се заглавени илјадници цивили.
Битката за Мосул
Што се случува во Мосул од започнувањето на операцијата за ослободување на градот од „Исламска држава“?
Додека ирачките сили навлегуваа во територијата окупирана од „Исламска држава“, во операцијата за ослободување на Мосул, пронајдоа масовна гробница со стотина тела, повеќето обезглавени. Сликата покажува коски и тела во распаѓање кои беа ископани од земјата. Ирачки полициски офицер држи детска играчка која била најдена на местото.
Фотографија: picture-alliance/AP Photo
Сведоштво за бруталностa
Гробницата која беше пронајдена во близина на градот Хамам Ал Алил во близина на Мосул е сведоштво за бруталноста на „Исламска држава“. Милитантите на ИД извршија серија на масакри по освојувањето на големи делови од јужен и централен Ирак во 2014 година. Оваа слика покажува ирачки војник кој врши инспекција на зграда која била користена како затвор од страна на ИД во Хамам ал Али.
Фотографија: Reuters/T. Al-Sudani
Ослободени од терор
Овие мажи, бегалци од ирачката област Хамам ал Али го прославуваат ослободувањето на нивното село од страна на ирачките сили. Сега можат да се вратат во своите домови.
Фотографија: Getty Images/AFP/A. Al-Rubaye
Запалени полиња со нафта
Како одговор на воената офанзива, „Исламска држава“ ги запали полињата со нафта. Командир на ирачките воени сили изјави дека повеќе од 5.000 цивили биле евакуирани од источните делови на Мосул и биле сместени во кампови. Изненадувачката офанзива на здружените сили покажа дека дури и кога е под напад, ИД може да предизвика хаос во различни делови на Ирак кои се далеку од базата во Мосул.
Фотографија: Reuters/A. Al-Marjani
За што се војува во Мосул?
Чад се издига за време на судирот помеѓу Пешмерга и милитантите на ИД во градот Башика, источно од Мосул. Првично, градот беше користен од ИД за воспоставување на својот калифат, а подоцна како извор на ресурси. Мосул е база за операциите на ИД со хемиско оружје. Античкиот град Асириан е витален ресурс за приходи од данок и принудна работа за ИД.
Фотографија: Reuters/A. Lashkari
Улогата на ирачката армија и нејзините сојузници
Ирачките специјални сили се во засолниште откако нападнати од снајперски оган на ИС. Заедно со курдската Пешмерга и шиитските милиции, ирачките сили ги засилија борбите и продолжија кон освојување на погусто населени зони од градот без воздушна поддршка од коалицијата предводена од САД поради високиот ризик од цивилни жртви.
Во меѓувреме, дел од силите на курдската Пешмерга се фокусираат на други упоришта на „Исламска држава“ во северен Ирак и во градот Киркук каде ИС лансираше серија на насилства како одговор на напредокот на ирачката армија кон Мосул.
Фотографија: picture-alliance/dpa/A. Dicenzo
Бегалци од војната
Обединетите нации изјавија дека повеќе од 34.000 луѓе ги напуштиле своите домови во Мосул од почетокот на операцијата во средината на октомври. Три четвртини се сместени во кампови, а останатите во заедници за бегалци.