Со апел за заедничка бoрба против прoмена на климата во Њујорк почна 62 заседание на Генералното собрание на Обединетите нации. Претседателот на Генералното собрание македонскиот дипломат Срѓан Керим, пред претставниците на 192 земји членки на ОН рече дека климатските промени не се само еколошки проблем туку влијаат врз целокупниот меѓународен развој. Централна тема на седницата покрај климантските порменти ќе биде и реформата на ОН. – За генералната дебата, која ќе почне во вторник наредната недела, во Њујорк се очекува да пристигнат шефови на држави и влади од целиот свет. Пред Генералното собрание ќе зборува и германската канцеларка Ангела Меркел.