Пред брегот на Италија повторно се пронајдени речиси 300 бегалци. Тие со рибарски чамец биле на пат од Грција кон Италија и според сопствени наводи потекнуваат од Сирија, соопшти италијанската крајбрежна стража.

Два патролни бродови на крајребжните служби и еден брод на полицијата ги пресретнале и прифатиле бегалците на околу 150 километри од брегот на Калабрија. Меѓу бегалците имало 93 деца и 6 жени, некои во многу лоша здравствена состојба.

Во шпанската ексклава Мелиља околу 1.000 африкански бегалци не успеаја да влезат во Европската унија. Според информации на шпанската полиција тие не успеале да ја минат шестметарската гранична ограда. Освен тоа шпанските безбедносни сили ги зајакнаа своите единици во градот на африканскиот брег на Средоземното Море.

Во Мелиља во изминатите месеци постојано имаше масовни напливи на бегалци. Според проценките на Министерстовото за внатрешни работи во Мадрид во Мароко имало околу 40.000 Африканци од земјите јужно од Сахара, кои чекаат можност да стигнат во Шпанија.