Во Пекинг деновиве беше официјално отворен првиот целосно автоматизиран ресторан, со роботи како готвачи и келнери.
Фотографија: Reuters/J. Lee
Реклама
Хајдилао, познат кинески синџир на ресторани, ги здружи силите со јапонскиот технолошки гигант Панасоник за да отвори ресторан каде што роботи примаат нарачки, ги подготвуваат и ги служат јадењата.
Во ресторанот, шест хуманоидни роботи може да се видат како движат меѓу кујната и салата за јадење.
Како изгледа во ресторанот погледнете во следново видео:
Роботи како келнери и готвачи
00:35
This browser does not support the video element.
Откако гостите компјутерски ќе ги достават своите нарачки, на роботите им требаат помалку од 10 минути за да ги послужат јадењата. Човечкиот персонал се вклучува во работата само кога роботите се премногу зафатени или кога се нарачуваат одредени специфични јадења со мраз.
Не е изненадување што оваа уникатна понуда веднаш стана атракција како за Кинезите, така и за туристите. Гостите во ресторанот велат дека се прилично задоволни од услугата, но оти им недостасува личниот елемент.
Фотографија: Reuters/J. Lee
„Интересно е да се видат роботите кои ја служат храната. Единствена слабост е тоа што роботите не можат да разговараат со гостите, а нивната услуга е прилично едноставна. А традиционалните келнери треба да се грижат за клиентите и за овие роботи, дури и кога има толку многу гости. Така го зголемува обемот на нивната работа ", вели една гостинка во ресторанот. Шо се однесува на роботите, тие сѐ уште се во рана фаза на развојот, а иднината изгледа светла.
Роботи во секојдневието
Роботите не само што светкаат и брчат, туку можат и да сервираат јадење! Во Кина тоа веќе е сосема нормално, иако машините би можеле да „научат“ уште по нешто од луѓето-келнери.
Фотографија: picture-alliance/dpa/D. Zhang
Што ќе нарачате?
Кина, што се однесува до техничките „зафрканции“ е често меѓу лидерите во светот. Корисно или само оригинално? Тоа е споредна работа. Роботите, како на фотографијата, веќе преземаат келнерски задачи во ресторан.
Фотографија: picture-alliance/epa/P. Hilton
Јадењето е готово!
Се разбира, малите хуманоидни машини се извонредни за носење на готовото јадење на маса. Предноста е што роботите никогаш не се уморни, а и не мрморат - тие едноставно си ја вршат работата. Само што, кога гостите сакаат на нешто да се пожалат, станува компликувано...
Роботите се употребуваат не само за служење на гостите, туку и за готвење. Притоа, нивната дејност е ограничена само на подгревање на веќе зготвени јадења. Подготвувањето и готвењето мора да го преземат нивните колеги-луѓе.
Но не сите роботи во рестораните изгледаат многу човечки. Овој робот на фотографијата, на пример, нема глава, раце или нозе. Тој е составен така за да си ја завршува работата, без многу детали. Но со оглед на тоа што е наменет за работа во кујна, а не за сервис, тоа и не е важно.
Фотографија: picture-alliance/dpa
Добри се и за забава...
Во робот-ресторанот во близина на Шангај машините се задолжени и за забава на гостите. Програмата за забава е добро прифатена од муштериите. Така барем може да се заклучи од нивните коментари на интернет: „Шоуто ми се допадна - храната не чини“ или „Храната во овој ресторан е споредна работа“.
