Беше тоа уникатен масовен спектакл. Украинските претседателски кандидати Порошенко и Зеленски имаа предизборен дуел пред десетици илјади гледачи. Дебатата за првпат се одржа на стадион.
Фотографија: Getty Images/B. Hoffman
Реклама
Комичарот Володимир Зеленски кој важи за фаворит пред вториот круг на претседателските избори во Украина и неговиот противкандидат, актуелниот претседател Петро Порошенко, разменија вчера обвинувања за време на дебатата која се одржа на најголемиот стадион во Киев.
Порошенко, кој според анкетите е далеку зад Зеленски, го обвини својот ривал дека му недостасува политичко искуство потребно да ја задржи Украина на прозападниот курс и оти се спротиставува на обидите Русија да ја врати земјата во својата орбита. Додека Порошенко го обвинуваше својот ривал дека нема јасна програма, Зеленски возврати нарекувајќи го украинскиот претседател „волк во јагнешка кожа“.
Зеленски кој популарноста ја стекна во телевизиска серија, глумејќи украински претседател кој се бори против корупција, го обвини Порошенко за економски проблеми и за се' поприсутна корупција. Зеленски инсистраше дека ќе продолжи со интеграција на Украина на Запад. Дебатата ја следеа околу 60.000 луѓе кои го наполнија Олимпискиот стадион во Киев и гласно го поддржуваа својот кандидат или изразуваа незадоволство кон противникот.
Зеленски се обиде да го натера Порошенко да се брани, бомбардирајќи го милијардерот со прашања за неговиот компаниски имот и за соработниците обвинети за корупција. Комичарот рече оти гласал за Порошенко пред 5 години, но дека подоцна сфатил „оти направил грешка“.
„Дали тогаш можевме да замислиме оти новиот начин на живот е всушност борба за преживување? Јас не сум политичар, јас сум обичен човек кој дојде да го урне овој систем“, рече Зеленски, имајќи го предвид остриот пад на животниот стандард во земјата од 2014 година. Порошенко му врати, наведувајќи дека Зеленски не изнел програма и укажувајќи на неговите бизнис врски со тајкунот Ихор Коломојски, големиот противник на претседателот на Украина. Тој наведе и оти победата на Зеленски би ја користела Москва, велејќи дека тој не бил во состојба да му се спротистави на рускиот претседател Владимир Путин.
„Актер не може да води војна против Русија“, рече Порошенко.
Зеленски не водеше традиционална политичка кампања, туку ја посетуваше земјата со својата хумористична емисија. Во ретките интервјуа ветуваше дека ќе се стреми кон блиски врски со ЕУ и со НАТО, но најави и поактивни обиди за реинтеграција на бунтовниците кои ги контролираат источните делови на Украина.
Во првиот изборен круг на 31. март Зеленски освои 30 отсто од гласовите, а Порошенко 16 насто. Анкетите покажуваат дека разликата во меѓувреме е зголемена.
Фотографија: Reuters/V. Ogirenko
Утре (21.04) 30 милиони Украинци со право на глас во вториот круг од претседателските избори ќе гласаат за идниот шеф на државата.
Хронологија на поморските тензии помеѓу Украина и Русија
На инцидентот на 25 ноември, во кој руски бродови ракетираа украински воени пловила, му претходеа месеци на тензии во Азовското Море. ДВ пишува за главните фази на конфронтацијата во Керчкиот проток.
Фотографија: Universität der Bundeswehr
Соработка меѓу Украина и Русија - на хартија
„Сите прашања поврзани со Азовското Море и Керчкиот проток треба да се решаваат само со мирни средства заеднички или со договор помеѓу Украина и Русија ...“ Ова се зборовите од преамбулата на Договорот меѓу Украина и Руската Федерација за соработка во користењето на Азовското Море и теснецот Керч, постигнат во 2003 година.
Фотографија: Imago/Russian Look/S. Fomine
Конфликти во Керчкиот проток - врз која основа?
Според меѓународното право, трговските и воените бродови треба слободно да пловат во Азовското Море и теснецот Керч. Сепак, по анексијата на Крим од страна на Русија во март 2014 година, реалноста во Азовското Море почна да се движи сѐ подалеку од овој правен принцип.
Фотографија: Reuters/A. Bainozarov
ЕУ ја критикува Русија
Ситуацијата се влоши со отворањето на Керчкиот мост, кој ги поврзува Таманскиот и Кримскиот полуостров. Пред тоа, според резолуцијата на Европарламентот од 25 октомври 2018 година, руските инспекции во Азовското Море беа селективни и не го нарушуваа слободното движење на бродови и товар. Но, од пролетта 2018, според прес-службата на ЕУ, Москва демонстративно создава пречки во трговскиот превоз.
Фотографија: picture-alliance/Winfried Rothermel
„Прекумерни“ проверки во Азовското Море
Проверките на бродовите од и кон украинските пристаништа руските граничари ги одолговлекуваа по неколку часа. Пристаништата, трговците и превозниците имаа значителни загуби. Според податоците од Киев, од крајот на септември 2018 година, повеќе од 200 бродови биле подложени на интензивни проверки, меѓу кои 120 биле со знамиња на земјите на ЕУ.
Фотографија: picture-alliance/Tass/V. Timkiv
Аргументите на Русија
Во меѓувреме, руската страна ги обвинува Украинците за ескалација во Азовското Море. Така, на крајот на март 2018 година, Украина го запре и потоа го конфискуваше рибарскиот брод „Норд“ во Азовското Море кој е регистриран на Крим.
Фотографија: Facebook/DPSUkraine
Керчката криза
Најголемиот инцидент досега во теснецот Керч се случи на 25 ноември, кога патувањето на украински воени бродови од Одеса кон Азовското Море заврши со гранатирање од страна на руските граничари кои тврдеа дека Украинците нелегално ја преминале руската граница. Сите три украински брода беа запленети и испратени до пристаништето Керч.
Фотографија: Reuters/P. Rebrov
„Нелегално ја преминаа границата и влегоа во територијалните води“
Русата безбедносна служба ФСБ тврди дека украинските бродови „илегално ја преминале границата и влегле во територијалните води на Русија“. На состанокот на Советот за безбедност на ОН, заменикот-амбасадор на Русија, Димитри Појански, присилното запленување на бродовите го образложи со „основано сомнение дека тие превезуваат радикали кои се заканиле дека ќе го кренат во воздух мостот на Керч".
Фотографија: Reuters/P. Rebrov
Поморското право ѝ дава право на Украина
Како што вели Даниел-Еразмус Кан, професор на Универзитетот на Бундесверот во Минхен, преминувањето на Керчкиот проток е регулирано на ист начин како и преминувањето на Босфорот или кој било друг морски теснец во светот. „Според Конвенцијата за поморско право од 1982 година, Украина има неограничено право на транзит низ Керчкиот теснецот. За ова, не е потребна дозвола од Русија", вели Кан.
