Предизвици за Груевски има доволно
22 јуни 2008Реклама
Македонскиот претседател Бранко Црвенковски денеска на пладне ќе му го додели мандатот за состав на новата влада на Никола Груевски. Претседателот на ВМРО ДПМНЕ го добива правото за состав на идната влада откако коалицијата предводена од неговата партија освои најмногу гласови на предвремените избори во земјата. Според уставот, Груевски треба во рок од дваесет дена на Собранието да му ја поднесе програмата и предлогот за составот на владата, а тоа да гласа за нив најдоцна за 15 дена. Инаку мандатите на новите пратеници беа верификувани во саботата. Собранието доби и нов спикер, Трајко Вељановски. Но, засега работата на парламентот ја бојкотираат пратениците од ДПА.