Престрелка меѓу Срби и Албанци во Митровица
10 ноември 2011Еден косовски Србин почина, а двајца беа ранети во судир со Албанци во немирниот град Косовска Митровица, поделен меѓу српското малцинство во Косово и албанското мнозинство. Портпарол на полицијата изјави дека тројцата Срби, вклучувајќи и член на косовската полиција, биле ранети во престрелка, која избила откако полициска патрола се замешала во тепачка меѓу Срби и Албанци. Малку подоцна беше соопштено дека едниот од ранетите Срби починал во болница. Се испитува кој го предизвикал судирот и кој пукал.
Косовската влада го осуди убиството. Српските политичари од Белград ги повикаа Србите на Косово да не провоцираат инциденти. Состојбата во северно Косово со месеци е затегната.
Радикалните Срби се обидуваат преку барикади да ги принудат косовските полицајци и граничари да се повлечат од двата гранични премини кон Србија, Јариње и Брњак. САД и ЕУ инсистираат на надворешните граници на Косово да бидат поставени косовски службеници.
Автор: ЖА/ГЧ/дв/бета
Редактор: Е.М.Фиданоска