Во изминатите денови тој се бараше со централен распис, а МВР за него вчера објави и меѓународна потерница.

Неговото предавање, според информациите, е резултат на претходни бројни активности на Оперативниот тим - потраги, кој и во изминатата година одбележа големи резултати во пронаоѓање на лица кои биле недостапни на органите на прогонот.

Анџело Ѓорѓиевски беше недостапен за органите на прогонот од минатиот четврток. На другите двајца осомничени А.К. (22) и К.Л. (19) кои заедно со него се товарат дека со нанесување повреди на телото на Тот извршиле кривично дело  „убиство“,  веќе им е изречена мерка притвор во траење од 30 дена.

Како што е познато, минатиот четврток во раните утрински часови, пред ноќен клуб во Скопје, тројцата осомничени по кратка вербална расправија го нападнале хрватскиот ракометар и му задале повеќе удари со боксови и клоци. Од снимките на камерите пред објектот е утврдено дека Анџело Ѓорѓиевски го направил првиот удар, по кој  Тот паднал и изгубил свест. Тројцата осомничени продолжиле да го удираат ракометарот и додека лежел неподвижен.

Обдукцијата утврди дека смртта настапила како резултат на повреди на мозокот од нанесени удари врз главата.