Приоритет на новата македонска влада – економија и евроинтеграции
8 јуни 2014„Приоритетите, како што неодамна кажав, се поврзани со економија и евроатланските интеграции, но се разбира со силен фоскус на сите други сектори. Отворањето на нови работни места, привлекувањето на странски инвестиции, охрабрувањето и помагањето на домашните да инвестираат, земјоделството, образованието и здравството - сето тоа е дел од фокусот на идниот владин состав“, рече Груевски.
Тој нагласи дека сите министерски места биле производ на коалиционите разговори и оти преговорите завршиле на двострано задоволство. Осврнувајќи се на министрите без ресор, Груевски рече дека Висар Фида и Горан Мицковски ќе бидат задолжени за привлекување на инвеститори.
„Тие ќе ги зајакнат досегашните министри за привлекување инвеститори – Бил Павлевски, Џери Наумоф и Веле Самак“, рече Груевски.
Според него, Македонија отишла многу напред во создавањето услови за привлекување странски инвестиции. Тоа го потврдува и последниот извештај на „Форин полиси“, кој земјава ја рангира на 29. место во светот, рече Груевски.