Германската железница најави дека ќе им даде подобра понуда во тарифните преговори на синдикатите на железничарите по серијата предупредувачки штрајкови која продолжи и денеска. Норберт Хансен, претставникот на една од двата синдиката кои беа на разговори со шефот на Дојче Бан, Хармут Медхор изјави дека ако понудата им одговара на барањата тогаш штрајкот ќе биде прекинат. Тие бараат зголемување на платите за 7%. На разговорите не учествуваат претставници на третиот, синдикатот на машиновозачите, кои бараат зголемување на платите за 31%. Од денешниот неколкучасовен прекин на железничкиот сообраќај најпогоден беше источниот дел на Германија.