Продолжува битката за власт во ЦСУ
22 јануари 2007![Тој си оди, но кој ќе го замени: Едмунд Штојбер](https://static.dw.com/image/2317505_800.webp)
Двочасовната средба на Штојбер со Зехофер не донесе конечно решение. Сепак, шефот на партијата на заминување Штојбер смета дека има добри шанси да се најде решение: „се надевам дека за две-три недели проблемот ќе биде решен„:
„Во фокусот на моите напори е да ги приближам спротивностите на Ервин Хубер и Хорст Зехофер. Мислам дека постојат добри шанси„.
Во врска со ова, баварскиот министер за стопанство Ервин Хубер изјави:
„Јас сум подготвен да се кандидирам и за тоа добивам поддршка. И тоа не само од пратениците, од круговите на општинските раководства, туку и од целата база на партијата„.
Меѓутоа, и сојузниот министер Зехофер не се предава и има намера да се кандидира за местото партиски шеф, при што изјави:
„Не гледам смисла да се реагира на јавните самопрепораки или понуди. Досега со мене никој не разговарал за тоа да се повлечам или за некаква понуда„.
Баварскиот министер за внатрешни работи и единствен кандидат да го наследи Штојбер на функцијата покраински премиер, Гинтер Бекштајн:
„Се надевам дека со разговори меѓу сите страни, ќе се најде пат до решение, за да не се водат дебати уште неколку месеци„.