Простување од Едвард Кенеди
30 август 2009На приватната церемонија на гробиштата во близина на Вашингтон присуствуваа членовите на семејството и блиските пријатели. Претходно во Бостон на комеморацијата последна почит на Кенеди му оддадоа преку 1500 почесни гости.
Американскиот претседател Барак Обама во својот почесен говор го нарече Тед Кенеди „ душата на Демократската партија“ и „лавот во американскиот Сенат.
Обама уште истакна дека и покрај неговата тешка болест, сенаторот никогаш не ја загубил неговата смисла за хумор:
„Чичко Теди, или како што честопати го нарекуваа неговите внуки и внуци, Гран Фромаж или Големото сирење, Јас, како и многу други во градот каде што работеше повеќе од половина век, го познавав како колега, ментор и пред се’ како пријател“, истакна американскиот претседател.
Меѓу оние кои присуствуваа на комеморативната церемонија во Бостон беа и поранешните американски претседатели, Џорџ Буш помладиот, Бил Клинтон и Џими Картер.
СН/ЖА/дпа/ројтерс
Редактор: Жана Ацеска