Протестантски пастор станува жена
21 јули 2013Протестантската црковна заедница Нојфарн во Баварија. Ја води свештеникот Андреас Цвелфер. Се' уште е маж, но набрзо ќе стане жена и ќе отстапи од функцијата во црквата. Тоа овој 49-годишен транссексуалец им го кажа на своите претпоставени уште пред неколку недели. „Многумина веднаш рекоа: 'Па можете да останете овде!' и сакаа со задоволство да гласаат за тоа. Мнозинството јасно гласаше за нас.", вели пасторот.
Наскоро промена на полот
Се мисли на Андреас Цвелфер и неговата сопруга Клаудија, истотака пасторка. Тие се 27 години во брак. Веќе сега тој го користи само името Доротеа. Меѓутоа со ваквата транссексуалност многумина во заедницата имаат и проблеми. Како што имал и самиот свештеник. Цел живот не се чувствувал добро во телото на маж, дури пред неколку години и самиот себе си си' признал дека повеќе би сакал да биде жена. „Во 2011. се стана појасно, кога Доротеа излезе на виделина. Тогаш одеднаш забележав: јас сум жена, отсекогаш сум бил и ќе станам жена и мене ми недостасуваат многу работи кои жените инаку ги имаат. И тоа беше моментот кога многу се исплашив, бидејќи помислив: што сега? Се плашев дека мојот брак ќе пропадне и не бев сигурен што ќе се случи со мојата работа."
Доротеа, тогаш се' уште Андреас, на својата сопруга и' ја кажал вистината и таа нашла разбирање за тоа. И по скорешната промена тие ќе останат заедно. „Се омажив за неа додека беше маж, кој се' уште ми е драг. А од друга страна постојано откривам нови страни кај неа, така можам да кажам дека таа ќе стане на некој начин моја посебна сестра. Тоа всушност не е никаков тест на издржливост.", вели сопругата Клаудија , а Доротеа (Андреас) се надоврзува:„Кога мојата сопруга праша: што е сега со нежноста? тука забележав дека жената нежноста ја доживува многу поинтезивно од мажот, бидејќи кожата е почувствителна. Пред тоа не можев ни да замислам, но откога земам хормони, забележувам дека тука нешто се менува."
Храброст и искреност
Многумина во црковната заедница сметаат дека е штета што овој свештеничка брачна двојка ги напушта. Бидејќи, тие се многу омилени во тоа место. Двајцата се' уште не знаат каде ќе живеат. Добија многу подароци за разделба и тагата е голема. Бидејќи во црквата сега недостига свештеник. Големо признание за храброст добија и од евангелистичкиот декан задолжен за оваа област.
„Судбоносен момент е кога еден свештеник во толку тешка животна ситуација има храброст да застане пред верниците и така отворено и искрено да зборува. И голема среќа е кога една црква има разбирање за својот свештеник, наместо да го осудува.", изјави Зигфрид Штелцнер од евангелистичкиот деканат Ландсхут. Прифаќање на оние „поинаквите", тоа и' е особено важно на Доротеа Цвелфер.