Протестите кои почнаа во понеделникот во Белград, се проширија во повеќе градови во земјата.

Демонстрантите тврдат дека на претседателските избори имало манипулации.

Тие извикуваат „Вучиќу крадецу, ги украде изборите“ и држат плакати на кои пишува „Тие не си мој претседател“.

Студентите и учениците се организираат преку социјалните мрежи и не сакаат да им се лепат етикети на која било политичка партија.

Александар Вучиќ победи на претседателските избори со 55% освоени гласови. Разединетата опозиција со 10 кандидати не играше голема улога на изборите.