Протести на Србите во Бања Лука против независноста на Косово
27 февруари 2008![](https://static.dw.com/image/3136686_800.webp)
Реклама
Групата средношколци прво се упати кон германскиот и францускиот конзулат во Бања Лука. Откако полицијата им го пресече патот, тие се обидоа да се пробијат кон американскиот, при што дојде до директен судир на демонстрантите со босанските специјалци.
Централната манифестација мина мирно Инаку централната манифестација на плоштадот во Бања Лука под мотото „Косово е срцето на Србија„ мина мирно. На насобраните 10.000 Срби им се обратија претседателот на Собранието Игор Радојчиќ и премиерот Милорад Додик. Додик нагласи дека Република Српска никогаш нема да го признае Косово, бидејќи тоа го загрозува нејзиниот витален национален интерес. „Додека живееме овде нема да признаеме никаков акт на насилство, што го одвои Косово од Србија. На мојот беџ пишува Косово е Србија и јас сум многу горд што го претставувам овој народ. Денеска заминувам за Брисел за да им кажам дека доаѓам од моќен митинг на Србите и другите граѓани на Република Српска и дека секогаш вака ќе реагираме на неправда.„ Еве што велат дел од насобраните граѓани, кои допатуваа од сите делови на Република Српска.„Сакам да кажам дека дојдов за подобро утре на српскиот народ.“„Се знае поради овој митинг, поради одземањето на Косово од Србија. Тоа е исто и наш проблем.“Мирниот протест на граѓаните на Република Српска против независноста на Косово траеше околу еден час, а дивеењето на младите насилници полицијата го запре во раните попладневни часови.
Реклама