Рускиот претседател Владимир Путин предлага поголеми овластувања за парламентот. Пратениците во иднина би требало да одлучуваат и за премиерот. Но, Путин не се откажува од силен претседателски систем.
Рускиот претседател Владимир Путин предлага референдум во Русија за реформи на Уставот. „Сметам дека е неопходно изјаснување на граѓаните за пакет промени на Уставот“, изјави денеска тој во својот годишен говор пред пратениците и политичката елита во земјата.
Парламентот во иднина, според Путин, би требало да има право да именува премиер и членови на владата. Сега вакво право има претседателот на земјата. Меѓутоа, претседателот би требало и натаму да го има правото да го отпушти премиерот и некои министри, како и да назначува луѓе на најважните функции во надворешната и одбранбената политика. Истовремено, би требало да се заострат критериумите за претседателските кандидати. Путин во говорот за состојбата на нацијата рече дека за променетиот баланс на моќта треба да се гласа на референдум, но не наведе датум за тоа.
Рускиот претседател ѝ се обрати на нацијата по 16. патФотографија: picture-alliance/dpa/Tass/M. Metzel
Што се однесува до неговата политичка иднина, Путин избегна јасна изјава. Според актуелните уставни одредби, тој по крајот на актуелниот мандат во 2024 година не може да се кандидира повторно. Набљудувачите шпекулираат дека 67-годишниот руски претседател би можел повторно да стане премиер и за таа цел сака да ги зајакне своите овластувања.
Во декември Владимир Путин покажа отвореност за реформа на Уставот со која бројот на мандати на претседателот на државата би бил поограничен. Тој сигнализираше дека бројот на претседателски мандати би можел во основа да се лимитира на два. Со Уставот сега се ограничува само бројот на мандати кои следуваат еден по друг, и тоа на два.
Говорот стигна не само во дневните соби, туку беше пренесуван и на плоштадите, аеродромите, па дури и на вселенската станица ИССФотографија: picture-alliance/dpa/Sputnik/M. Bogodvid
Во својот говор сега Путин потсети дека веќе се дискутира околу тоа дали претседателот треба да смее да остане на власт повеќе од два мандата едноподруго или не. „Тоа не го сметам за одлучувачки, но се согласувам“, рече Путин. Дали прашањето на мандатот би било составен дел од евентуален референдум, е нејасно. Според Путин, меѓутоа, промената на власта е суштински предуслов за натамошен развој на општеството.
Во економски тешки времиња за Русија, Путин по 16. пат ѝ се обрати на нацијата. Притоа, традиционално се работи за прашањето - со какви идеи тој сака да ја подобри состојбата во земјата. Годинава, се чини, на Кремљ му беше особено важно говорот на Путин да биде слушнат. Тој беше пренесуван на големи екрани на централните градски плоштади, на аеродромите, па дури и на Меѓународната вселенска станица ИСС.
Владимир Путин управува со судбината на Русија практично од јануари 2000 година - прво два мандата како претседател, потоа еден мандат како премиер, а во 2012 година повторно беше избран за претседател.
Владимир Путин: Патот до моќта
Владимир Путин е избран за претседател на Русија во четвртиот мандат. Поглед кон подемот на Путин од нискорангиран агент на КГБ до незапирлива политичка сила.
Фотографија: Reuters/D. Mdzinarishvili
Кадет на КГБ
Роден во Санкт Петербург во 1952, Путин се пријави во советската раразузнувачка служба КГБ веднаш по завршувањето на правниот факултет во 1975. Негова прва задача бил надзорот на странски државјани и вработени во конзулатите во родниот град, тогаш со името Ленининград Потоа замина на служба во Дрезден, источна Германија. Тој наводно запалил стотици документи на КГБ по падот на Берлинскиот ѕид.
Лево на фотографијата, младиот Путин стои до тогашниот градоначалник на Санкт Петербург, Анатоли Собчак. Тој му беше професор на Путин и го назначи за свој советник за меѓународни прашања. И покрај корупцискиот скандал на почетокот од службата, Путин не ја загуби работата, токму поради пријателството со Собчак.
Фотографија: Imago/ITAR-TASS
Метеорски подем
Путин набргу се префрли во Москва. Во 1997 рускиот претседател Борис Елцин му додели среднорангирана функција во неговата администрација- позиција која Путин ќе ја искористи за да создаде важни политички пријателства, кои ќе му бидат од полза во наредните децении.
Фотографија: picture alliance/AP Images
Смртта на пријателот
Путин беше длабоко потресен од смртта на Собчак во 2000 година. Откако ученикот политички го надмина својот учител, Собчак стана гласен поддржувал на кандидатурата на Путин за претседател на Русија. Една година претходно, Путин ги искористи своите врски за да бидат отфрлени обвинувањата против Собчак за проневера.
Фотографија: picture-alliance/dpa/S. Chirikov
Привремен претседател
Во јуни 2000 година, Борис Елцин поднесе оставка, отстапувајќу му на премиерот да стане привремен лидер на државата. За време на успешната претседателска кампања, повторно излегоа на површина обвинувањата за корупција против Путин од времето на неговата служба во Санкт Петербург. Марина Салје, пратеничката која ги изнесе обвинувањата, беше замолчена и принудена да го напушти градот.
Фотографија: Imago/ITAR-TASS
Тандемократија
Кога Путин уставно беше спречен да се кандидира за трет последователен мандат во 2008 година, премиерот Дмитри Медведев се кандидираше на негово место. Кога Медведев беше избран, тој го назначи Путин за премиер. Тоа доведе до критики за „тандемократија“ во Москва и многумина беа убедени дека Медведев е марионета на Путин.
Фотографија: Imago/ITAR-TASS
Победа
Во март 2018 година, Владимир Путин е избран за руски претседател во четврти мандат. Путин ќе биде на власт и во наредните шест години, со оглед дека претседателскиот мандат претходно беше продолжен на шест години. Избоrите беа засенети од обвинувањата за нерегуларности и манипулации, како и од фактот дека немаше вистинска опозиција на Путин.
