Повеќе од еден месец немаше испукани ракети кон Израел од Појасот Газа. Но, палестинскиот Хамас сега повторно стрелаше кон израелска територија - и Израел реагира.
Фотографија: Mahmoud Alhende/APA Images via ZUMA Wire/dpa/picture alliance
Реклама
Израелски авиони рано утрината нападнаа неколку цели во појасот Газа откако палестинските екстремисти испукаа синоќа две раки во насока на јужен Израел.
Цели, меѓу останатите, беа фабрика за производство на ракети и пунктови за обука кои му припаѓаат на Хамас, екстремистичката организација која владее со Газа, соопшти израелската војска.
Палестинските медиуми известија дека на истокот на Газа, се скршени прозорци, но нема извештај за жртви.
Фотографија: Mahmud Hams/AFP
Во петокот вечерта испукани се ракети на израелскиот град Ашкелон на брегот на Средоземното море, но нив ги пресретнала противвоздушна одбрана и ниту една организација не презеде одговорност за ракетирањето со кое беше прекинато повеќемесечното затишје.
Ракетните напади и израелската артилериска и одмаздата со удари од воздух се чести, но многу се разретчени во последните месеци поради пандемијата на коронавирусот на двете територии.
Израелските населби на палестински територии
И покрај протестите и политичките предупредувања, израелскиот парламент донесе закон со кој се легализираат илегалните населби на палестинските територии. Критичарите велат дека тоа значи крај на решението „две држави“.
Фотографија: Reuters/B. Ratner
На палестинските територии има повеќе од 200 населби
Според податоците на организацијата за човекови права Бетселем, на Западниот брег и во Источен Ерусалим од 1967 до средината на 2013 година се изградени 125 официјални израелски населби и околу сто „диви населби“. Израелските власти, според Канцеларијата на ОН за хуманитарна помош (ОЦХА), за изградба на населби на палестински територии заплениле 35 проценти од површината на Источен Ерусалим.
Фотографија: Reuters/B. Ratner
Нема шанса за мир?
Во моментов еврејска населба се гради во Хар Хома, на Западниот брег, меѓу Ерусалим и Витлеем. Водечки претставници на Палестинците оценуваат дека израелската политика за градење населби го уништува решението „две држави“ и го спречува мирот со Палестинците. Изградбата на населбите на палестински територии е критикувана и во меѓународни рамки.
Фотографија: picture alliance/newscom/D. Hill
Израел конфискува палестински приватни имоти
Новиот закон за ретроактивно легализирање на станови на доселеници на Западниот брег и во Источен Ерусалим е спорен. Со него се погодени 16 населби. За еврејските доселеници да можат да останат каде што се, предвидена е финансиска отштета за Палестинците кои се сопственици на земјиштето.
Фотографија: Reuters/A. Awad
Уривање на Амона
Новиот израелски закон не важи за куќите на доселениците за кои веќе има судска одлука за уривање. Партијата на доселениците имаше намера со законот да спречи принудно расчистување на населбата Амона. Сепак, куќите на 40 семејства беа испразнети минатата недела, а само четири дена потоа се почна со уривање.
Фотографија: Getty Images/AFP/T. Coex
Барикади и безредија
Одлуката на израелскиот Врховен суд за уривање на Амона беше донесена уште на крајот на 2014 година. Рокот беше повеќепати одлаган. Десните групи и доселениците до крај се обидуваа да спречат евакуација и уништување на местото. Многумина доаѓаа од други места специјално за да демонстрираат. И на спротивната страна имаше насилни протести на Палестинците.
Фотографија: Reuters/M. Torokman
Ескалација при принудното иселување
Жителите на Амона веруваат дека Западниот брег, окупиран од страна на Израел од 1967 година, е дел од територијата која Бог во Библијата му ја наменил на еврејскиот народ. На Западниот брег и во Источен Ерусалим живеат околу 600.000 Израелци. Меѓу доселениците и Палестинците постојано има судири.
Фотографија: Reuters/M. Torokman
Нов дом
На приватни имоти на Палестинци спротивно на законот се изградени околу 4000 станови. Тие треба или да бидат испразнети, или со новиот закон треба да бидат ретроактивно легализирани. Многу од жителите на Амона имаат нов дом во соседните населби, како овде, во Офра.
Фотографија: Reuters/B. Ratner
Принудно иселување во Офра
Но и во Офра има нелегални куќи. До 5 март тука треба да бидат испразнети девет куќи кои се изградени на приватен имот на Палестинци. Куќата мора да ја напушти и семејството Бен Шушан.
Фотографија: Reuters/B. Ratner
8 фотографии1 | 8
Хамас трипати војуваше со Израел, а помали конфликти имаше безброј. Оваа исламска организација сега главно го почитува неофицијалното запирање на оган со Израел.
Хамас, меѓутоа, го обвинува Израел оти не ги почитува обврските врз основа на примирјето кое вклучува ублажување на парализирање на блокадите на палестинските енклави и дозвола да се започнат големи инфаструктурни проекти.
