Во Бундестагот денеска се дебатира околу учеството на берзата на Германски железници. На крајот на јули кабинетот усвои нацрт закон за делумно приватизирање, според кој сојузот максимално може да се откаже од 49 проценти од својот удел. Спорна е одредбата според која железницата, како економски сопственик ќе ја одржува мрежата на шините во наредните 15 години. Покраинските министри за сообраќај стравуваат дека ќе бидат запоставени нерентабилните делници. – Во тарифниот конфликт на желзницата со синдикатите на повидок се нови штрајкови. Во Берлин пропаднаа преговорите за изнаоѓање компромис меѓу трите синдикати во железницата.