Првите масовни анти-глобализациски протести се одржаа во четвртокот во Хамбург, на ден пред почетокот на самитот на Г20. Организаторите го нарекоа нивниот протести „Г20: Добредојдовте во пеколот“.

Повеќе од 10 илјади луѓе танцуваа на звуците на техно музиката во близина на пристаништето во Хамбург во средата. Својот протест го нарекоа „Lieber tanz ich als G20", што би можело да се преведе како „Танцувањето е подобро од Г20“.

Полицијата со водени топови се обидува да разбие блокада на улиците во близина на населбата Сенкт Паули во Хамбург. Ангажирани се околу 20 илјади полицајци, помогнати од 28 хеликоптери, 185 полициски кучиња, 40 водени топови и околу три илјади полициски возила.

Полицијата соопшти дека во неколку рации во околината на Хамбург запленила ножеви, стапови и бејзбол палки- веројатно наменети за анти-капиталистичките протести. Десетици илјади демонстранти се очекуваат за самитот. Најмалку 8 илјади се очекува да бидат анархисти и радикални левичари, кои би можеле да употребат насилство.

Овие демонстранти од француската група „Attac“ планираат неколку маршеви за време на самитот. Членовите на организацијата кампуваат во паркот Алтона во центарот на Хамбург, каде полицијата им дозволи да постават околу 300 шатори.

Протестите на Оксфам на 2 јули повикаа на еднаквост и од Г20 бараа да „се намали разликата меѓу богатите и сиромашните“. Не е тешко да се погоди кон кого беа насочени пораките.

Цела флота заплови по реката Алстер, организирана од невладини организации чии членови носеа транспаренти и гардеорба во виножито од бои. Добија поддршка од голем број луѓе на брегот на реката.

Уметничка инсталатија е организирана за време на Г20, со зомби фигури кои се појавауваат насекаде низ градот. Мртовците потоа однеднаш оживуваат- иако тоа не се поврзува со одлуките кои се носат на самитот.

Старечки дом кој се наоѓа на патот кон местото каде се одржува самитот постави своја порака: Мирни средби за сите за време на Г20! Но, мирните средби би можеле да останат само пуста желба.