Американската министерка за надворешни работи Кондолиза рајс ги бранеше плановите на САД за испраќање воена помош за Израел, Саудиска Арабија , Египет и други земји во Блискиот Исток. На заедничката пресконференција со египетскиот колега по функција Ахмад Абул Геит во одморалиштето Шарм Ел Шеик таа изјави дека САД сакаат да ја гарантираат безбедноста на нивните партнери во регионот, каде што Иран станува се помоќен. Рајс и американскиот министер за одбрана Роберт Гејтс во Шарм Ел Шеик разговараат си своите колеги од Египет, Јордан и земјите во персискиот залив и за планираната мировна конференција за Блискиот Исток како и за ситуацијата во Ирак и Либан.