Американскиот министер за надворешни работи Кондолиза Рајс денеска во Рамала изрази надеж дека претстојната мировна конференција за блискиот исток ќе доведе до решение за формирање на палестинска држава која ќе живее во мир со соседен Израел. По разговорите со палестинскиот претседател Махмуд Абас Рајс нагласи дека очекува договорот по ова прашање да биде постигнат пред крајот на мандатот на американскиот претседател Џорџ Буш. Рајс изјави дека средбата во Анаполис,Мериленд, ќе се одржи до крајот на годинава, но повторно не соопшти точен датум. Претходно во Ерусалим таа му вети сестрана поддршка и на израелското раководство.