Американската министерка за надворешни работи Кондолиза Рајс побара од Русија поголема почит за демократијата и човековите права. Демократските институции и отвореното општество не ја прават некоја држава послаба, туку посилна, изјави Рајс во Потсдам, каде ја доби наградата Ерик Мориц Варбург за нејзините заслуги во повторното германско обединување. Рајс во таа прилика го нагласи и интересот на нејзината земја за соработка со Русија.