Висок американски претставник кој присуствувал на сребата во Вашингтон изјави дека косовските челници јасно ставиле до знаење дека интензитетот на нивната желба за независност не е променет, ниту ќе се промени, но дека нема да дејствуваат на своја рака и ќе работат со САД и Европа. Американската министерка Кондолиза Рајс, ги повикала на трпение и нагласила дека САД остануваат на ставот дека Косово треба да биде независно.

Според косовскиот претседател, Фатмир Сејдиу, Косово и натаму ќе биде партнер на меѓународната заедница и ќе соработува со САД и Европската унија и за време на планираните нови преговори за статусот на покраината. Косовскиот премиер, Агим Чеку изјави: ”Ние денеска разговаравме за модалитетите на прогласување независност на Косово, но не станува збор за еднострано прогласување независност, туку за прогласување независност со согласност и поддршка на САД и ЕУ.

Сејдиу за агенцијата Асошиетед прес изјави дека САД го увериле Косово дека некои земји ќе дејствуваат бргу по периодот од 120 дена преговори за да ја признаат независноста на Косово и тоа без оглед на приговорите на другите земји.