Статистиката не забележала толкав раст на државниот долг на Германија, како оној во првата година од пандемијата: 14,4 проценти. Експерти уверуваат дека тоа не е проблем, но не се сите толку оптимистични.
Фотографија: picture-alliance/dpa/E. Cakir
Реклама
Долгот, кој на крајот на 2020 година го натрупа јавниот сектор во Германија на сите нивоа, значи сојузната влада, покраините и општините, изнесуваше 2 билиони и 172,9 милијарди евра. Тоа е долг кон приватните финансиски институции, фондовите или други претпријатија, како во Германија, така и надвор од неа.
Германскиот завод за статистика никогаш не забележал таква експлозија на долг: во годината на избивање на пандемијата тој се зголеми за 273,8 милијарди евра, значи цели 14,4 отсто. Пресметано по жител, секој граѓанин на Германија сега просечно ги притиска долг од 26.141 евра - на крајот на 2019 долгот изнесуваше „само“ 22.860 евра.
Фотографија: picture-alliance/dpa/O. Berg
Таквиот рекорд не би требало посебно да го изненади никого: и прокрај „замрзнувањето“ на економијата со мерките против пандемијата, државата ја отвори касата како никогаш досега, со поддршка и со други мерки за да спречат откази и одење на фирми во стечај.
Тоа пред сѐ беше одлука на сојузната германска влада, па така нејзиниот долг и најмногу порасна- за 18,1 отсто. Сите 16 германски покраини беа малку повнимателни, нивниот долг се зголеми просечно за 9,8 насто, на 636 милијарди евра.
Дали е тоа навистина безопасно?
Економските стручњаци тврдат дека нема причина за загриженост, и покрај неславниот рекорд во задолжување. Себастијан Дулиен, научен дирактор на Институтот за макроекономија и истражување на конјунктурата од Фондацијата Ханс Беклер, институција блиска на германските синдикати, вели дека и во тоа задолжување, колку и да изгледа „масивно“, „економски нема простор за загриженост“. Стапката на задолжување на Германија, значи односот кон БДП, и вака е „значително пониска отколку по финансиската криза во 2012 и во наредната, 2022 година, лесно и брзо би можела да се намали“.
Жртвите на коронавирусот на пазарот на труд
Пандемијата на коронавирусот веќе има катастрофално влијание врз голем број индустрии. Милиони работни места се загрозени, стотици илјади веќе укинати. Издвојуваме некои од досега најпогодените компании и сектори...
Фотографија: picture-alliance/abaca/H. Lionel
Циркусот остана, уметниците ги нема
Легендарниот „Cirque du Soleil “ поднесе барање за течајна постапка по тримесечен прекин на работата поради пандемијата на коронавирусот. Славниот циркус најави отпуштање на 3.480 од вкупно 5.000 вработени. „Cirque du Soleil“, со седиште во канадски Монтреал, овој потег го образложи со „огромното нарушување и присилно затворање на шоуто како последица на пандемијата на Ковид-19“.
Фотографија: picture-alliance/dpa/U. Düren
„Ербас“ ќе се раздели со 15 илјади луѓе
Европскиот авиоконцерн „Ербас“ предупреди на масовни укинувања на работните места. Тој има намера да укине околу 15.000 работни места поради падот на побарувачката како последица на пандемијата. Еден од шест вработени би можел да го загуби работното место во одделот за транспортни авиони - најважниот и најголемиот во „Ербас“. Само во Германија треба да се укинат 5.100 работни места.
Фотографија: picture-alliance/abaca/H. Lionel
Турбуленции за „Луфтханза“
Најголемиот авиопревозник во Германија, е заробен во турбуленции поради коронавирусот. Авиоконцернот беше исклучен од индексот на акции Дакс, во кој членуваше 32 години. „Луфтханза“ ќе добие 9 милијарди евра директна финансиска помош и државни гаранции за заем, но 26.000 работни места се изложени на ризик. „Во случај на опасност, ние ве спасуваме вас, а кој ќе нè спаси нас?“- прашува стјуардесата.
Фотографија: picture-alliance/dpa/A. Dedert
На едно небо
Британската авиокомпанија „Бритиш ервејс“ планира да укине 12 илјади од вкупно 42.000 работни места. Нејзиниот француски ривал „Ер Франс“ ќе отпушти над 7.500 вработени поради пандемијата. Британската авиокомпанија „Изи џет“ предвидува од долгорочен пад на побарувачката. Концернот планира да го намали бројот на вработените за 30 проценти - околу 4.500 луѓе може да ги загубат своите работни места.
Иако производителите на автомобили сè уште немаат предвидено застрашувачки сценарија, светскиот пазар на автомобили може да се намали за 18 проценти во 2020 година. Германскиот стручњак за автомобилска индустрија Фердинанд Дуденхофер веќе изнесе разочарувачко предвидување: околу 100 илјади работни места во Германија се изложени на ризик. Автомобилската индустрија во земјата вработува 800.000 луѓе.
Фотографија: picture-alliance/dpa/S. Gollnow
Тешка опрема
Германскиот концерн „MTU Aero Engines AG“ планира да го намали бројот на вработени за 15 проценти. Производителот на мотори за авиони, со седиште во Минхен, вработува 10.000 луѓе низ целиот свет. Околу 1.500 места се под закана за укинување. Во 2019 година компанијата беше во топ-лигата на индексот на акции Дакс.
Фотографија: picture-alliance/dpa/MTU Aero Engines AG
Отпаѓа ли модата?
Седењето дома и забраната за масовни настани обесхрабри многумина да купуваат нова облека. Падот на потрошувачката се почувствува во трговијата. Германскиот концерн „Галерија Карштат Кауфхоф“ затвори околу 80 од своите 170 стоковни куќи, кои главно продаваат облека. Повеќе од 5.000 од вкупно 28.000 вработени ги загубија работните места.
Фотографија: picture-alliance/dpa/H.-C. Dittrich
Сите на одмор
Еден од најголемите светски туристички концерни „ТУИ“ најави укинување на 8.000 работни места како последица на пандемијата. Менаџментот на компанијата, која веќе доби финансиска помош од германската држава, соопшти дека овие мерки се неопходни за да се зачуваат претставничките канцеларии на концернот во светот. „ТУИ“ очекува дека така ќе ги намали административните трошоци за 30 насто.
Меѓутоа, не се сите толку оптимистични. Кристијан Дир, потпретседател на пратеничката група на Либералната партија во Бундестагот предупредува на старото правило. „Кога државата сѐ повеќе се задолжува, тоа лесно може да доведе до поголема инфлација“. Токму денеска во својата прелиминарна проценка германскиот завод за статистика истакна дека инфлацијата во земјата значително се зголемила во јули и за првпат по 13 години ја надминала границата од три проценти. Потрошувачките цени биле за 3,8 проценти повисоки од истиот месец минатата година, објави Сојузниот завод за статистика.
Растот на инвлацијата е забележлив веќе некое време, бидејќи во процесот на опоравување на економијата по пандемијата, а поради тешкотиите во испораките, и цените во некои случаи драстично пораснаа. Можеме значи да се надеваме дека економските стручњаци ќе бидат во право кога тврдат оти тоа е само минливо поскапување, но притоа би требало да се има предвид дека Германија нема своја валута. Еврото е заедничка валута, а меѓу државите во еврозоната има многу кои, исто така, западнаа во нови, огромни долгови.
