Во импичмент-постапката против американскиот екс претседател Доналд Трамп не е на повидок постигнување мнозинство во Сенатот за негова осуда.
Фотографија: Alex Brandon/AP Photo/picture alliance
Реклама
45 републикански сенатори се изјаснија за прекин на постапката за отповикување на американскиот екс претседател Доналд Трамп, што 55 сенатори го одбија. Но, тоа покажа дека 50 демократски сенатори на своја страна имаат само пет репубикански колеги, а за осуда на Трамп е потребно против него да гласаат најмалку и 17 Републиканци.
„Ова е една од ретките прилики во Вашингтон при која поразот всушност е победа. 45 гласа значат дека импичмент процесот уште на самиот почеток е мртов“, изјави републиканскиот сенатор Ранд Пол, кој го поднесе барањето за прекин на постапката.
Трамп е обвинет за поттикнување бунт во врска со неговиот говор пред упадот на неговите поддржувачи во Капитол на 6 јануари. Во своето обраќање пред своите сипматизери тој ги повтори целосно недокажаните тврдења дека изборната победа наводно му е украдена, по што ги повика да се упатат кон Капитол. Кратко потоа неговите поддржувачи таму предизвикаа масивни безредија, во кои пет лица починаа.
Во постапката против Трамп Сенатот има улога на еден вид суд. Иако по завршувањето на неговиот мандат на 20 јануари тој веќе не е претседател, доколку биде прогласен за виновен може да му биде изречена забрана за извршување јавни политички функции во иднина и да се исклучи негова претседателска кандидатура во 2024 година.
Републиканците кои се на исто мислење со сенаторот Пол аргументираа дека постапката е неуставна, со оглед што Трамп веќе не е на функцијата, а процесот го раководи претставник на Демократската партија, наместо претседателот на Врховниот суд, Џон Робертс. Претседателот на демократите Чак Шумер приговорот го отфрли како целосно погрешен.
Повеќе експерти за уставно право сметаат дека импичмент постапката е исправна иако се води накнадно, иако има и спротивни мислења. Официјално импичмент процесот против Доналд Трамп во Сенатот ќе започне по две недели.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
