Речиси 1.000 жртви од Ковид-19 во Италија во еден ден
БГ /АФП
27 март 2020
Италија стана втората држава по САД која ја надмина Кина според бројот на заразени од коронавирусот. Денеска бројот на заразени порасна на 86,498; а бројот на жртви во последните 24 часа е 969.
Фотографија: picture-alliance/Photoshot
Реклама
И покрај ужасните рекорди кои денеска беа забележани во Италија, тамошните здравствени власти велат дека забележале намалување на бројките на нови позитивни случаи, две недели по почетокот на карантинот во целата земја.
Вкупниот број на жртви од коронавирус во земјата е блиску до 9.200 луѓе, а 3.700 во моментов се на интензивна нега.
Во Шпанија бројот на жртви и натаму бележи голем раст. Во изминатите 24 часа во земјата биле регистрирани 7,800 новозаразени, со што вкупниот број достигна 64 илјади. Во изминатото деноноќие починале 769 луѓе со што вкупниот број достигна 4,858- втор најголем број на жртви по Италија во светот. Над 9,400 медицински лица во Шпанија се заболени од коронавирусот, што е речиси 15% од вкупниот број.
Кубанските „војници во бели мантили“ против коронавирусот
01:16
This browser does not support the video element.
„Точно е дека денеска имаме повеќе смртни случаи од вчера, но исто така е точно дека процентуалното зголемување денеска е слично на она од претходните три дена и се чини дека има стабилизација“, изјави првиот човек на шпанскиот здравствен координативен центар Фернандо Симон.
САД сега имаат 85,996 случаи, и заедно со Кина и Италија, во трите земји се евидентирани речиси половината од сите заразени во светот, и повеќе од половината од сите жртви.
Аналитичарите предупредуваат дека бројките можеби се неточни од различни причини.
„На бројките од Кина не може да им се верува затоа што владата лаже“, вели американскиот политички научник Јан Бремер. „На бројките од САД не може да им се верува затоа што владата нема доволно тестови“. Италијанските епидемиолози предупредуваат дека бројките кај нив веројатно се далеку повисоки од пријавените- најмалку пет пати.
Коронавирус: Туристички атракции без посетители
Поради коронавирусот морничава тишина владее на многу туристички знаменитости, особено во Италија, но и во други земји. Погледнете како изгледаат овие места сега без вообичаените турканици..
Туристичките атракции во Италија се особено погодени од кризата со коронавирусот. Целата земја е во карантин. Продавниците се затворени, туристите ја напуштија земјата. Плоштадот Свети Петар во Рим е затворен, музеите и знаменитостите веќе не се отворени за јавноста.
Фотографија: picture-alliance/dpa/Zuma/G. Galazka
Тивкиот Милано
На северот на Италија, само големи групи гулаби се осмелуваат да излезат на улиците. Катедралата во Милано се извишува осамена и напуштена кон небото. Во Италија има полициски час на национално ниво. На луѓето им е дозволено да ги напуштат своите домови само кога одат на работа или кога одат да купат неопходни намирници.
Фотографија: picture-alliance/dpa/AP/L. Bruno
Празни места во Мадрид
По Италија, Шпанија е втората европска земја која е најпогодена од кризата со коронавирусот. Досега нема прогласено полициски час. Плоштадот Махор, обично пулсирачкиот центар на Мадрид е празен. Огромниот плоштад обично го посетуваат стотици илјади туристи секоја година. Во околината има повеќе од 3.000 ресторани, барови, кафулиња и таверни.
Жителите на Австрија, исто така, не можат веќе слободно да се движат. Од вторникот (18. март 2020) сите пабови и ресторани, покрај останатото, се затворени. Обележјето на Виена - катедралата Свети Стефан- е затворена за посетители, црковните служби се одвиваат без верници и се емитуваат на радио. И вообичаено многу посетениот плоштад пред катедралата е празен.
Карловиот мост во Прага вообичаено е преполн. Обележјето на градот сега е тивко. Чешката Република прогласи вонредна состојба поради кризата со коронавирусот и воведе широка забрана за влез и излез од земјата. Сите прекугранични транспортни врски со возови и со автобуси, исто така, се запрени. Слободата на движење на жителите е строго ограничена.
Фотографија: picture-alliance/dpa/AP/D. Josek
Франција во вонредна состојба
Претседателот на Франција рече дека земјата е во војна против коронавирусот. А министерот за внатрешни работи ги нарече „воени сојузници“ сите оние кои сега остануваат дома. Онаму каде што обично се разминуваат илјадници луѓе - Ајфеловата кула или Лувр во Париз - деновиве ретко може да се види некој.
Фотографија: picture-alliance/abaca/E. Blondet
Берлинските знамениости затворени
Берлин е сѐ попразен, иако сè уште не е прогласен полициски час. Знаменитостите како Рајхстагот се затворени. Театрите и музеите, исто така. Туризмот е ставен на пауза во Германија. Хотелите и останатото сместување сега можат да се користат само за „неопходни и исклучиво нетуристички цели“.
Фотографија: picture-alliance/dpa/M. Kappeler
Туризмот во режим на спиење
Дури и јавните знаменитости се празни. На улиците има само неколку туристи, како кај Бранденбуршката порта. Но, дури и ако сега има целосно чист поглед на обележјето на Берлин, посетата и не е баш забавна.
