Реџепи: Хероинот се шверцува делумно и низ Македонија
28 март 2014![](https://static.dw.com/image/5846215_800.webp)
„Една од рутите е Косово, но таа рута проаѓа и низ други земји. Кога се работи за хероинот, вистина е дека дел од рутата низ која се препродава оваа дрога претставува и Косово, односно оди од Авганистан, Иран, потоа Турција, Бугарија, Грција, Србија, Македонија, Косово и натаму“, изјавил Реџепи за подгоричкиот весник „Дневне новине“.
Марихуаната најчесто доаѓа од Албанија, додека кокаинот оди повеќе преку Албанија и Црна Гора. Тој потенцирал дека нема конкретни сознанија за постоење организирани криминални групи кои се бават со шверц на дрога, а чии членови се граѓани на Косово и Црна Гора. Реџепи, сепак, не негирал дека постојат такви групи.
„Немаме податоци за постоење конкретни криминални групи чии членови се државјани на Црна Гора и Косово. Сепак, криминалните групи најчесто се од мултиетнички карактер, и во нивниот состав има државјани од разни земји кои соработуваат меѓусебно. Ги чинат државјани на Албанија, Црна Гора, Македонија, Бугарија, а најчесто свои соработници имаат во Западна Европа, која е финалната дестинација“, навел Реџепи.