Прв златен медал за Косово
8 август 2016![](https://static.dw.com/image/19455096_800.webp)
Реклама
Маљинда Келменди не можеше да ги сокрие солзите откако стана првата спортистка од Косово која освоила златен медал на Олимписките игри. Игрите во Рио се првите на кои воопшто настапуваат косовските спортисти откако нивната земја прогласи независност.
25-годишната џудистка медалот го доби лично од претседателот на Меѓународниот олимписки комитет, Томас Бах.
„Тој беше пред една година во Косово и ми рече: тука сум за да ви дадам поддршка и сакам ти да го освоиш златнио медал“, им изјави Келменди на новинарите.
„Денеска ми рече: се сеќаваш дека јас и ти имавме договор. Овие зборови ме донесоа до солзи“, вели Келменди, заблагодарувајќи му се на Бах за поддршката.