Со месеци НАТО и ЕУ го критикуваат распоредувањето на руски трупи на границата со Украина. Москва сега повикува на прекин на проширувањето на НАТО кон исток и го зголемува притисокот со предлози за безбедносни гаранции.
Западот ја обвинува Русија дека трупа единици на границата со Украина како подготовка за инвазија на земјатаФотографија: AP /picture alliance
Реклама
Среде тензиите околу Украина, Русија постави далекусежни барања до САД и до НАТО. Владата во Москва објави нацрти на два договори со цел, забрана за натамошно проширување на НАТО кон исток и за повлекување на силите и на воената опрема на алијансата од Централна и Источна Европа. Во заднина на ваквите предлози се стравувањата на Западот дека руските сили ќе извршат инвазија на Украина.
Нацртите на безбеднисните договори, руско-американскиот безбедносен пакт и безбедносниот договор на Русија и НАТО, кои Москва порано неделава ги испрати на САД и на нивните сојузници, содржат остри барања кои Запад веќе ги отфрли.
Во документите се повикува и на забрана да се испратат американски и руски воени бродови и авиони во областите од кои може да се напаѓа територијата на другата страна, и барања да се запрат воените вежби на НАТО во близината на Русија.
Хронологија на поморските тензии помеѓу Украина и Русија
На инцидентот на 25 ноември, во кој руски бродови ракетираа украински воени пловила, му претходеа месеци на тензии во Азовското Море. ДВ пишува за главните фази на конфронтацијата во Керчкиот проток.
Фотографија: Universität der Bundeswehr
Соработка меѓу Украина и Русија - на хартија
„Сите прашања поврзани со Азовското Море и Керчкиот проток треба да се решаваат само со мирни средства заеднички или со договор помеѓу Украина и Русија ...“ Ова се зборовите од преамбулата на Договорот меѓу Украина и Руската Федерација за соработка во користењето на Азовското Море и теснецот Керч, постигнат во 2003 година.
Фотографија: Imago/Russian Look/S. Fomine
Конфликти во Керчкиот проток - врз која основа?
Според меѓународното право, трговските и воените бродови треба слободно да пловат во Азовското Море и теснецот Керч. Сепак, по анексијата на Крим од страна на Русија во март 2014 година, реалноста во Азовското Море почна да се движи сѐ подалеку од овој правен принцип.
Фотографија: Reuters/A. Bainozarov
ЕУ ја критикува Русија
Ситуацијата се влоши со отворањето на Керчкиот мост, кој ги поврзува Таманскиот и Кримскиот полуостров. Пред тоа, според резолуцијата на Европарламентот од 25 октомври 2018 година, руските инспекции во Азовското Море беа селективни и не го нарушуваа слободното движење на бродови и товар. Но, од пролетта 2018, според прес-службата на ЕУ, Москва демонстративно создава пречки во трговскиот превоз.
Фотографија: picture-alliance/Winfried Rothermel
„Прекумерни“ проверки во Азовското Море
Проверките на бродовите од и кон украинските пристаништа руските граничари ги одолговлекуваа по неколку часа. Пристаништата, трговците и превозниците имаа значителни загуби. Според податоците од Киев, од крајот на септември 2018 година, повеќе од 200 бродови биле подложени на интензивни проверки, меѓу кои 120 биле со знамиња на земјите на ЕУ.
Фотографија: picture-alliance/Tass/V. Timkiv
Аргументите на Русија
Во меѓувреме, руската страна ги обвинува Украинците за ескалација во Азовското Море. Така, на крајот на март 2018 година, Украина го запре и потоа го конфискуваше рибарскиот брод „Норд“ во Азовското Море кој е регистриран на Крим.
Фотографија: Facebook/DPSUkraine
Керчката криза
Најголемиот инцидент досега во теснецот Керч се случи на 25 ноември, кога патувањето на украински воени бродови од Одеса кон Азовското Море заврши со гранатирање од страна на руските граничари кои тврдеа дека Украинците нелегално ја преминале руската граница. Сите три украински брода беа запленети и испратени до пристаништето Керч.
Фотографија: Reuters/P. Rebrov
„Нелегално ја преминаа границата и влегоа во територијалните води“
Русата безбедносна служба ФСБ тврди дека украинските бродови „илегално ја преминале границата и влегле во територијалните води на Русија“. На состанокот на Советот за безбедност на ОН, заменикот-амбасадор на Русија, Димитри Појански, присилното запленување на бродовите го образложи со „основано сомнение дека тие превезуваат радикали кои се заканиле дека ќе го кренат во воздух мостот на Керч".
Фотографија: Reuters/P. Rebrov
Поморското право ѝ дава право на Украина
Како што вели Даниел-Еразмус Кан, професор на Универзитетот на Бундесверот во Минхен, преминувањето на Керчкиот проток е регулирано на ист начин како и преминувањето на Босфорот или кој било друг морски теснец во светот. „Според Конвенцијата за поморско право од 1982 година, Украина има неограничено право на транзит низ Керчкиот теснецот. За ова, не е потребна дозвола од Русија", вели Кан.
Фотографија: Universität der Bundeswehr
8 фотографии1 | 8
Речиси е извесно дека острите барања САД и нивните сојузници ќе ги отфрлат, кои нагласија дека Русија нема право да се прашува за проширување на НАТО.
Генералниот секретар на НАТО, Јенс Столтенберг, изјави оти Алијансата ги примила нацртите на докуметите, наведувајќи дека дијалогот со Москва треба да ја опфати загриженоста на овој воен сојуз на 30 земји поради потезите на Русија и да биде заснован на клучните принципи на европската безбедност.
Објавувањето на нацртот на документите доаѓа во време на високи тензии меѓу Русија и Запад поради трупањето руски војници во близината на украинската граница, што предизвика загриженост кај Киев и кај западните земји оти Москва планира инвазија на Украина.
Москва негираше дека планира да го нападне својот сосед и од Запад побара гранција дека НАТО нема да се шири на исток, односно на Украина и другите поранешни советски земји, и оти алијансата во тие земји нема да преместува оружје. НАТО го отфрли тоа барање.
Мрачни прогнози за Украина
01:41
This browser does not support the video element.
Рускиот заменик министер за надворешни работи, Сергеј Рјабков, рече оти односите на Москва со САД и со нивните сојузници во НАТО се приближиле до „опасна точка“, наведувајќи дека разместувањето на силите на алијансата и нејзините воени вежби во близината на Русија зголемиле „неприфатливи закани“ по руската безбедност.
Рјабков за новинарите изјави оти Москва им предложила на САД веднаш да започнат преговори за предложените нацрти на документите во Женева.
