По исфрлањето руски дипломати од околу 25 држави во светот, Русија не реагираше веднаш со контрамерки. Меѓутоа, сега Москва го возвраќа ударот.
Фотографија: Getty Images/AFP/J. Makovec
Реклама
Русија донесе одлука да исфрли десетици западни дипломати од земјата. Притоа, ќе бидат исфрлени 60 американски дипломати, но и дипломати од други држави. Американските дипломати ќе мора да ја напуштат Русија во рок од една недела, а ќе биде затворен и американскиот Генерален конзулат во Санкт Петербург, најави рускиот министер за надворешни работи Сергеј Лавров.
Овој чекор на Москва е одговор на одлуката за исфрлање на повеќе од 140 руски дипломати од околу 25 држави во светот, како и од НАТО.
Американскиот конзулат во Санкт ПетербургФотографија: Reuters/A. Vaganov
Во основата на судирот е нападот со отров врз поранешниот руски двоен шпион Сергеј Скрипал и неговата ќерка Јулија, кој се случи на почетокот на март, во Солсбери, Велика Британија. Двајцата беа пронајдени во бессознание на клупа во малото гратче. Велика Британија ја обвинува Русија дека е одговорна, поради тоа што наводно за нападот бил употребен боен отров Новичок, развиен во времето на Советскиот сојуз. Москва ги отфрла обвинувањата.
Со оглед на растечките тензии меѓу Русија и Западот, генералниот секретар на ОН Антонио Гутереш предупреди од опасноста од нова Студена војна. Според него, неопходни се „механизми за комуникација и контрола, за да се избегне ескалација и да се спречи работите да излезат од контрола доколку тензиите се зголемат“, рече Гутереш во Њујорк.
Владимир Путин е избран за претседател на Русија во четвртиот мандат. Поглед кон подемот на Путин од нискорангиран агент на КГБ до незапирлива политичка сила.
Фотографија: Reuters/D. Mdzinarishvili
Кадет на КГБ
Роден во Санкт Петербург во 1952, Путин се пријави во советската раразузнувачка служба КГБ веднаш по завршувањето на правниот факултет во 1975. Негова прва задача бил надзорот на странски државјани и вработени во конзулатите во родниот град, тогаш со името Ленининград Потоа замина на служба во Дрезден, источна Германија. Тој наводно запалил стотици документи на КГБ по падот на Берлинскиот ѕид.
Лево на фотографијата, младиот Путин стои до тогашниот градоначалник на Санкт Петербург, Анатоли Собчак. Тој му беше професор на Путин и го назначи за свој советник за меѓународни прашања. И покрај корупцискиот скандал на почетокот од службата, Путин не ја загуби работата, токму поради пријателството со Собчак.
Фотографија: Imago/ITAR-TASS
Метеорски подем
Путин набргу се префрли во Москва. Во 1997 рускиот претседател Борис Елцин му додели среднорангирана функција во неговата администрација- позиција која Путин ќе ја искористи за да создаде важни политички пријателства, кои ќе му бидат од полза во наредните децении.
Фотографија: picture alliance/AP Images
Смртта на пријателот
Путин беше длабоко потресен од смртта на Собчак во 2000 година. Откако ученикот политички го надмина својот учител, Собчак стана гласен поддржувал на кандидатурата на Путин за претседател на Русија. Една година претходно, Путин ги искористи своите врски за да бидат отфрлени обвинувањата против Собчак за проневера.
Фотографија: picture-alliance/dpa/S. Chirikov
Привремен претседател
Во јуни 2000 година, Борис Елцин поднесе оставка, отстапувајќу му на премиерот да стане привремен лидер на државата. За време на успешната претседателска кампања, повторно излегоа на површина обвинувањата за корупција против Путин од времето на неговата служба во Санкт Петербург. Марина Салје, пратеничката која ги изнесе обвинувањата, беше замолчена и принудена да го напушти градот.
Фотографија: Imago/ITAR-TASS
Тандемократија
Кога Путин уставно беше спречен да се кандидира за трет последователен мандат во 2008 година, премиерот Дмитри Медведев се кандидираше на негово место. Кога Медведев беше избран, тој го назначи Путин за премиер. Тоа доведе до критики за „тандемократија“ во Москва и многумина беа убедени дека Медведев е марионета на Путин.
Фотографија: Imago/ITAR-TASS
Победа
Во март 2018 година, Владимир Путин е избран за руски претседател во четврти мандат. Путин ќе биде на власт и во наредните шест години, со оглед дека претседателскиот мандат претходно беше продолжен на шест години. Избоrите беа засенети од обвинувањата за нерегуларности и манипулации, како и од фактот дека немаше вистинска опозиција на Путин.
