Рускиот државен истражувачки институт Гамалеја во Москва ги заврши клиничките истражувања со вакцината, соопштил денеска рускиот министер за здравство Михаил Мурашко, јави агенцијата Интерфакс. Барањето за дозвола се подготвува. Први би требало да бидат вакцинирани лекарите и учителите. „Во октомври планираме широко вакцинирање“, рекол Мурашко. Информација за ова има и агенцијата РИА.

Повеќе:

СЗО очекува вакцина за коронавирусот на почетокот на 2021

Забрзува трката по вакцина против коронавирус

Бразил – лабораторија за тестирање вакцини против коронавирус

Во светот во моментов трескавично се работи на повеќе од сто можни супстанции за вакцинирање, меѓу другото и во Германија. Според наводи на Светската здравствена организација, најмалку четири од нив се во завршна фаза, односно се тестираат врз луѓе - три во Кина и една во Велика Британија.

Агенцијата Ројтерс, повикувајќи се на инсајдерски информации, дознава дека руските власти сакаат да дадат дозвола за првата вакцина веќе во август.

Темпото со кое Русија сака да извади вакцина на пазарот во светот го отвори прашањето дали Москва го става престижот над науката и сигурноста. Водечкиот американски епидемиолог Ентони Фаучи изрази сомневања во врска со безбедноста на вакцините кои се развиваат во Кина  Русија. „Се надевам дека Кинезите и Русите навистина ја тестираат вакцината пред да ја дадат на некого“, изјави Фаучи во петокот на сослушување во Конгресот.

Русија, по САД, Бразил и Индија, има најголем број инфицирани со коронавирус. Во последните 24 часа тој се зголеми за 5462 новоинфицирани и сега изнесува 845.443. Бројот на починати е над 14 илјади лица.