Руски извидувачки авион бил соборен во Средоземното Море од страна на сириската противвоздушна одбрана. Станува збор за превид, соопшти министерството за одбрана во Москва.
Фотографија: Getty Images/AFP
Реклама
Портпаролот на министерството, генералот Игор Конашенков, сепак, го обвини Израел за погрешниот погодок на сириската противвоздушна одбрана: негови авиони-ловци од типот Ф-16 се криеле зад рускиот авион при нивниот напад врз цели во Сирија. Конашенков зборуваше за 15 загинати војници. Русија, рече тој, го задржува правото да одговори соодветно на „непријателските" акции од страна на Израел.
Руската новинска агенција РИА уште објави дека Израел ја известил Русија за воена операција во регионот само една минута пред нејзиниот почеток. Времето не било доволно за извидувачкиот авион да дојде на безбедна локација.
Воздушни напади на Израел и Франција
Според министерството, авионот од типот Иљушин II-20 исчезнал од радарските екрани околу 22 часот, за време на слетувањето на воздухопловната база Хмејмим, во близина на северниот сириски град Латакија. Во исто време, четири израелски борбени авиони и еден француски воен брод спроведувале напади врз владини објекти во Латакија
Претходно, очевидци ги потврдија нападите во оваа област. Сириските воздухопловни сили известија дека пресретнале неколку проектили истрелени од Средоземното Море врз технолошки објект во државна сопственост во пристанишниот град. Според опозициската опсерваторија за човекови права, цел на нападот бил магацин за ракети. Притоа биле слушнати силни експлозии. Засега не е потврдено, кој стои зад нападот.
Заеднички напади врз три локации во Сирија
САД, Франција и Велика Британија нападнаа цели во Сирија. Американското министерство за одбрана соопшти дека акцијата била ограничена на три цели кои се доведуват во врска со хемиско оружје.
Претседателот на САД, Доналд Трамп изјави оти го наредил бомбардирањето со крстосувачки ракети како одговор на хемискиот напад кој го изведе „тој монструм“- како што Трамп го нарече сирискиот претседател Башар ал-Асад.
Фотографија: picture-alliance/dpa/AP/S. Walsh
Цели на нападот
Цели на нападите биле складиште, истражувачки центар и сириски капацитети за употреба на хемиско оружје. Руската војска соопшти дека западните сили испукале вкупно 103 ракети а сириската против-воздушна одбрана успеала да пресретне 71 од нив.
Британската премиерка Тереза Меј изјави оти немало алтернатива за воената акција, критикувајќи ја Русија поради неодамнешните потези во Советот на безбедност на ОН. Британците користеа авиони „Тајфун“.
Фотографија: picture alliance/AP Photo/UK Government
Пречекорена „црвената линија“
Се огласи и францускиот претседател Емануел Макрон кој рече дека ги наредил нападите затоа што десетици мажи, жени и деца беа „масакрирани со хемиско оружје“. „Црвената линија е пречекорена“, порача Макрон.
Фотографија: Reuters/Twitter/Emmanuel Macron
Остра осуда за нападите
Рускиот претседател Владимир Путин силно го осуди нападот на западните сили, кој според него за оправдување имал лажиран хемиски напад и наведе дека Русија повикува на итен состанок на Советот на безбедност на ОН „за агресивните акции на САД и на нивните сојузници во Сирија“
Фотографија: picture-alliance/dpa/M.Klimentyev
Повредени цивили
Сириската новинска агенција Сана извести дека во нападите се ранети три цивилни лица. Од кругови блиски на сириската војска се наведува оти во нападот врз складиштето за оружје во Хомс се ранети 6 војници.
Фотографија: Imago/Xinhua/A. Safarjalani
„Стихиски митинг“
Граѓаните на Дамаск, по нападите на САД, Велика Британија и Франција на Сирија, излегоа на улиците во главниот град. Во Дамаск се виореа руски знамиња, а војниците танцуваа на гласна музика на улиците.
