По истекот на последниот ултиматум нема информации за судбината на 21 јужнокорејски државјани кои се заложници на талибанските екстремисти во Авганистан. Портпарол на талибанците соопшти дека сите заложници се живи, но предупреди на лошата здравствена состојба во која се наоѓаат две жени. Грабнувачите бараат ослободување на своите соборци од затворите во земјата, властите во Кабул засега тоа го одбиваат. САД и Јужна Кореа во меѓувреме се договорија да не преземаат сила за ослободување на заложниците. Сеуште нема напредок и во преговорите за ослободување на германскиот инженер, кој исто така е заложник на талибанците во Авганистан.