Администрацијата на американскиот претседател Доналд Трамп, непосредно пред истекот на мандатот дозволи егзекуција на жена осудена за убиство. 52-годишната Лиза Монтгомери, почина од смртоносна инјекција.
Фотографија: Michael Conroy/AP Photo/picture alliance
Реклама
Жената од Канзас беше погубена поради убиство на бремена жена и екстракција на нејзиното бебе, што е прво погубување на жена на сојузно ниво во САД по цели 67 години.
Лиза Монтгомери (52) е прогласена за мртва утрината во 1 часот и 31 минута по локално време откако прими смртоносна инјекција во сојузниот затворски комплекс во Тер-Хоут во сојузната американска држава Индијана (насловна фотографија).
Таа е 11 осуденик кој е погубен во овој затвор од јули кога претседателот Доналд Трамп, кој ја поддржува смртната казна, продолжи со сојузните погубување по 17 годишна пауза.
Нејзиниот адвокат Кели Хенри во соопштението рече дека сите кои учествувале во нејзиното погубување треба да се срамат. „Владата не презеде ништо во својата острастеност да ја убие оваа оштетена и пореметена жена. Погубувањето на Лиза Монтгомери е далеку од правда“, нагласи адвокатот.
Фотографија: Eric Risberg/AP Photo/picture alliance
Таа е погубена по повеќечасовни преговарања и откако Врховниот суд на САД го одобри погубувањето. Монтгомери ја уби 23-годишната Боби Џо Стинет во градот Скидмор во сојузната држава Мисури во 2004 година. Таа со коноп ја задавила Стинет која била во осмиот месец на бременост и потоа со готвачки нож извршила екстракција на бебето. Бебето го земала со себе и се обидела да го прикаже како свое.
Како единствена жена која беше на ред за погубување во сојузен затвор, Лиза Монтгомери била во затвор во Тексас и е доведена во понеделникот во Тер-Хоут. Монтгомери е прва од последните тројца сојузни затвореници кои се во програмата за погубување пред инаугурацијата на избраниот претседател Џо Бајден на 20 јануари. Се очекува дека Бајден ќе ги запре погубувањата на сојузно ниво.
Кои се избраниците за новиот кабинет на Џо Бајден?
Избраниот претседател на САД Џо Бајден почна да го екипира својот кабинет подготвувајќи се за влез во Белата куќа. Многумина од неговите кандидати беа во администрацијата на Барак Обама, а изборот го потврдува Сенатот.
Фотографија: Mike Coppola/Getty Images
Ентони Блинкен, министер за надворешни работи
Блинкен е долгогодишен близок соработник на новоизбраниот претседател Џо Бајден. Тој работел во администрацијата на двајца демократски претседатели и бил истакнат советник во Комисијата за надворешни работи на Сенатот. Извршувал и функција заменик – национален советник за безбедност, како и заменик државен секретар во втората влада на Обама, кога Бајден беше вицепретседател.
Фотографија: Mike Coppola/Getty Images
Џон Кери, специјален претседателски пратеник за клима
Поранешниот министер за надворешни работи ќе биде специјален претставник на Бајден за прашања поврзани со климата. Кери од 1983 до 2013 година беше сенатор во Масачусец, пред да ја преземе највисоката функција во надворешната дипломатија во втората влада на Обама. Кери во името на САД во 2015 година го потпиша Парискиот договор за климата, а две години подоцна Трамп ја повлече земјата од него.
Фотографија: picture-alliance/dpa/B. Pedersen
Линда Томас-Гринфилд, амбасадор на САД во ОН
Линда Томас-Гринфилд од 2013 до 2017 година беше на важни позиции во Министерството за надворешни работи. За време на епидемијата на ебола, таа ја раководеше американската политика во Африка јужно од Сахара. Бајден планира да ѝ ја довери важната функција за Белата куќа, амбасадор во ОН.
Фотографија: DW/S. Broll
Алехандро Мајоркас, министер за внатрешна безбедност
Адвокатот со кубанско потекло за време на претседателот Обама беше заменик-шеф за внатрешна безбедност и раководеше со реализација на програмата ДАЦА, која на т.н. „сонувачи“, како деца илегално донесени во САД, им овозможуваше останување во земјата. Доколку биде потврден неговиот избор, тој би бил прв доселеник и латино кој ќе го води секторот за внатрешна безбедност.
Фотографија: Thilo Rückeis/picture-alliance
Џејк Саливан, советник за национална безбедност
Саливан од 2013 до 2014 беше советник на Џо Бајден за национална безбедност, додека тој беше потпретседател. Тој беше и заменик на Хилари Клинтон на функцијата министер за надворешни работи. Подоцна Саливан беше нејзин највисок советник за надворешнополитички прашања за време на нејзината претседателска кандидатура во 2016 година.
Фотографија: picture-alliance/AP Photo
Аврил Хаинс, директор за национално разузнавање
Хаинс беше прва жена заменик директор на ЦИА, во периодот од 2013 до 2015 година. Таа го наследи Ентони Блинкен на позицијата заменик-советник за национална безбедност кога тој во 2015 година замина во Министерството за надворешни работи. Ако се потврди нејзиниот избор, таа ќе биде прва жена која ќе раководи со американските тајни служби.
