САД: Русија замешала прсти во претседателските избори
ЖА / агенции
4 јули 2018
Според анализа изработена од Комитетот за разузнавање на американскиот Сенат, Русија се вмешала во претседателските избори во 2016. година во САД, со цел да му помогне на Доналд Трамп.
Фотографија: Getty Images/AFP/M. Klimentyev
Реклама
Во извештајот на Комитетот за разузнавање, кој го презентираше републиканскиот сенатор Ричард Бар заедно со својот колега од Демократската партија, Марк Варнер, се потврдуваат проценките на тајните служби за руска вмешаност во претседателските избори во САД во 2016. година. Објавувањето на извештајот се случува на неколку дена пред планираниот самит на Трамп со рускиот претседател Владимир Путин во Хелсинки и претставува впечатлив, натпартиски стејтмент. Трамп досега во повеќе наврати изрази скепса во поглед на проценките на тајните служби за извршено руско влијание.
Републиканскиот сенатор Бар истакна дека Комитетот во изминатите 16 месеци ги истражувал изворите и анализите на кои се темелат проценките на разузнавачките агенции. Во ниеден момент не се наишло на противречни заклучоци. Демократскиот сенатор Варнер пак руските обиди за влијание ги оцени како сеопфатни и претенциозни, насочени кон целта - поткопување на довербата на јавноста во демократскиот процес, помагање на Трамп и наштетување на неговата демократска конкурентка, Хилари Клинтон. Работата на Комитетот за разузнавње на Сенатот е екстремно спротивна од онаа на неговиот пандан во Претставничкиот дом. И другиот комитет го истражува евентуалното руско влијание врз американските претседателски избори, но таму републиканците и демократите често се со вкрстени копја. Конзервативците често го користеа Комитетот за разузнавање на Претставничкиот дом за да ја поткопаат веродостојноста на истрагата за руската врска која ја води специјалниот обвинител Роберт Милер, поради што често се на удар на критиката како продолжена рака на Доналд Трамп. Милер врши проверка дали при руските манипулативни обиди постоела и координираност со изборниот тим на Трамп.
Претседателот Доналд Трамп планира на својата претстојна средба со Путин да разговара и за темата руско вмешување во изборите во САД. „Ќе разговараме за Украина, за Сирија, за изборите“, изјави Трамп во петокот. Кремљ одрекува какво било мешање на Русија во изборната трка во САД.
Карикатури за Трамп: Кога смеата е единствена утеха
Карикатуристи од целиот свет реагираат на победата на Трамп
Фотографија: L. Gäbel
Сексуален напад
Карикатурата на хамбуршкиот уметник Ленарт Гебел го обиколи светот за кратко време. Една агенција од Лос Анџелес поажа интерес за печатење на неговото дело на маици. Уметникот е среќен поради успехот и е сигурен дека и во иднина Трамп „ќе си дозволи“ одредени работи кои ќе послужат како мотив за него и останатите колеги од целиот свет.
Фотографија: L. Gäbel
Фризура број еден
Косата на следниот претседател на САД беше инспирација за многу шеги. Пред неколку месеци во јавноста излезе видео на кое е прикажана „фармата на Трамп“ за перики. Всушност, стануваше збор за поле со сено во Норвешка. Косата на Трамп исто така добро стои и на кокпитот на претседателскиот авион.
Фотографија: Twitter/@Knightcartoons
Африканска перспектива
„Имајќи ја предвид омразата на Доналд Трамп кон црнците ќе ја напуштиме земјата. Тој може да прави што сака со неа“ вели оваа карикатура од Абдулкарим Баба Амину, познат културен критичар, новинар и илустратор од Нигерија.
Фотографија: DW/Abdulkareem Baba Aminu
Дамата Слобода чука на вратата на Канада
Во паника и со загрижен поглед во очите, „Дамата Слобода“ чука на вратата на соседот - Канада. Карикатуристот Угрек ја црташе симбиличната фигура во многу различни анти Трамп карикатури.
Фотографија: Twitter/@ygreck
Без религиски бариери
Карикатуристот Гадо е еден од најпознатите илустратори во Африка. Тој во својата карикатура се осврнува на едно од ветувањата на Трамп во предизборната кампања кое гласеше: „Ветувам дека ќе го зачувам христијанството“. На карикатурата е прикажано како тој распнува муслиман на крст.
Секој може да биде претседател
Белгискиот артист Лектр креираше многу различни карикатури за Трамп. Оваа покажува дека за 8 години, идејата дека „Секој може да биде претседател“ се смени од оптимистичка мисла во причина за очај кај многумина.
Фотографија: Twitter/@lectrr
Агресивни графити
Погрдно претставување на Трамп веќе може да се забележи во Барселона. Шпанија, исто така, беше шокирана од неочекувааниот успех на републиканскиот кандидат „Невидената популарност и избирањето на њујоршкиот магнат ја остави половина планета без зборови“, напиша колумнист за шпанскиот весник Еј Пај.
Фотографија: Getty Images/AFP/J. Lago
Куп од измет
Куп од измет околу кој кружат муви. На овој начин уличниот уметник Хенски го доживеа претседателскиот кандидат Донaлд Трамп уште пред да биде номиниран од републиканците. „Портретот“ од август 2015 година беше исцртан на ѕид од еден познат трговски центар во Њујорк.
Фотографија: picture-alliance/abaca/Van Tine Dennis
