САД: Судот ги блокира плановите на Трамп за изградба на ѕид
ЖА / агенции
25 мај 2019
Американскиот претседател се надеваше со помош на декрет да пренамени пари од воениот буџет за изградба на ѕидот кон Мексико. Федерален судија му ги помати плановите, зашто, претседателот не е над уставот.
Фотографија: AFP/S. Loeb
Реклама
Американскиот претседател се надеваше со помош на декрет да пренамени пари од воениот буџет за изградба на ѕидот кон Мексико. Федерален судија му ги помати плановите, зашто, претседателот не е над уставот.
Американскиот федерален судија Хејвуд Гилијам издаде привремена забрана со која на американската влада ѝ се забранува да користи пренаменети средства од буџетите на различни служби за изградба на ѕидот кон Мексико. Образложението на судијата од сојузната држава Калифорнија гласи– тие средства Когресот не ги одобрил експлицитно за градење на ѕидот.
Американскиот претседател Доналд Трамп на средината на февруари прогласи вонредна состојба за да може без согласност од Конгресот да добие пари за остварување на своето изборно ветување. Постапката на владата е спротивна на принципите на поделба на власта, која е основа на уредувањето на САД, се вели во одлуката на судијата Гилијам. Тој буквално пишува: „Апсолутната контрола на Конгресот над државните давачки, дури и кога овааа контрола осуетува иницијативи на извршната власт, која нив ги смета за важни, не е никаква грешка на нашиот конституционален систем. Таа е посебност на нашиот систем, и тоа неопходна.“
Во изминатите месеци се градеа постојано делови од планираниот ѕид кон МексикоФотографија: Imago Images/Zuma Press
Одлуката се однесува на една милијарда долари од вкупно 6,7 милијарди, кои требаше да ги префрли армијата. Претставничкиот дом на САД, повеќе сојузни држави и две адвокатски здруженија поднесоа приговор против одлуката на Трамп да издејствува градење на ѕидот преку претседателски декрет.
Трамп со години инсистира на подигање ѕид на границата кон Мексико, образложувајќи го со неопходноста од „борба против илегалната миграција и шверц на дрога". Спорот околу парите за таа намена на почетокот од годинава доведе до петнеделна блокада на сојузниот буџет и делумно затворање на американски служби. Станува збор за најдолгата блокада, т.н. „шатдаун“ во историјата на САД. Министерството за одбрана пред две недели одобри натамошни 1,5 милијарди долари за подигање нови бариери на границата. Со парите, според Пентагон, треба да биде подигната ограда од 125 километри на границата кон Мексико во Аризона и Тексас. Уште во март Министерството за одбрана одобри една милијарда долари за изградба на друг дел ограда во Тексас.
Граница САД-Мексико: Бетон наместо челик
Ѕидот на границата со Мексико ќе се гради. Американскиот претседател Доналд Трамп потпиша соодветен декрет. На делови од границата веќе има ограда. Дали сега челикот ќе биде заменет со бетон?
Фотографија: Reuters/J. L. Gonzalez
Трамп има искуство со градење
„На нашата јужна граница ќе изградам голем ѕид. Никој не гради ѕидови подобро од мене и за тој ѕид ќе плати и Мексико.“ Тоа американскиот претседател Доналд Трамп го изјави во текот на кампањата. Досега тој градеше пред сѐ висококатници и хотели. Ѕидот на границата е на прво место на неговиот план од 10 точки во делот на политиката на доселување.
Фотографија: picture-alliance/AP Photo/C. Torres
Крај кој завршува „нигде-никаде“
Границата меѓу САД и Мексико е долга околу 3.200 километри. Од нив со жица се обезбедени околу 1.100 километри. Границата минува низ четири американски и шест мексикански сојузни држави, минува низ пустина и големи градови. Поради лошата пристапност, еден мал дел од границата во Њу Мексико е отворен. На други места пак патролираат службеници за заштити на границата.
Фотографија: Reuters/M. Blake
Несовладлив челичен џин
Бројот на илегални доселеници во САД се проценува на околу 350.000 годишно. Голем дел од нив доаѓаат од Мексико. Дел од доселениците од Мексико се толерираат. Од друга страна, мексиканските семејства не добиваат виза. Доселениците си посакуваат подобар живот, работа и повеќе пари за своите семејства.
Фотографија: picture-alliance/dpa/A. Zepeda
Само мал допир
Семејствата живеат разделени со ограда. Прегратка не е можна. Во најдобар случај низ челичните шипки може да се протне рака. Ако Доналд Трамп го оствари најавеното, тогаш наместо челик овде ќе има бетон. Тогаш и мал допир нема да биде можен.
Фотографија: picture-alliance/ZumaPress/J. West
Од изолација до предрасуди
„Кога Мексико праќа луѓе, тогаш не ги испраќа најдобрите“, рече Трамп во текот на кампањата. „Испраќа луѓе кои прават многу проблеми. Тие носат дрога, злосторства, силувачи. Некои, би рекол, се и добри луѓе.“ Трамп сака да ги протера илегалните доселеници, барем оние кои се со криминално досие. Сепак, и покрај заканите, многу Мексиканци не се откажуваат од своите планови за бегство во САД.
Фотографија: picture-alliance/AP Photo/G. Bull
Пустина, граница и назад
За некои Мексиканци сонот завршува на границата. Тие завршуваат в затвор. Други за илегално минување преку границата плаќаат со својот живот. Медиумите критикуваат дека безбедносните сили пукаат преку границата. Дури во 2015 година за тоа првпат е обвинет припадник на американската погранична служба.
Фотографија: Reuters/D.A. Garcia
Со сачмарка против непожелните гости
Џим Чилтон, американски фармер, во патрола низ својот имот. Неговата фарма на површина од 200.000 квадратни метри на југоистокот од Аризона граничи директно со Мексико. Помеѓу има само бодликава жица. Чилтон се смета себеси лично одговорен за безбедноста и одвреме-навреме посега по сачмарката.
Фотографија: Getty Images/AFP/F.J. Brown
Чуден крај
„Тортиља ѕид“ е потценувачкиот назив на 22,5 километри долгиот дел од границата меѓу Отеј Меса Бордер Кросинг во Сан Диего (Калифорнија) и Пацификот. Оградата завршува во водата. За да се побегне на другата страна е доволно само да се исплива околу оградата.
