Во интервју за ДВ, комесарот за проширување Јоханес Хан потврди дека изградбата на Коридорот 8 е дел од проектите кои ЕУ ќе ги финансира во Македонија. Во фокусот транспортот и енергетиката
Фотографија: DW/B. Georgievski
Реклама
Европската Унија ќе ја финансира изградбата на железничката пруга на Коридорот 8 која треба да ги поврзе Црното и Јадранското Море минувајќи низ Македонија. Изградбата на пругата, која македонските политичари ја најавуваат уште од 1990-те години, секогаш се претставуваше како приоритет, но до денес, остана нереализирана. Во интервју за ДВ во пресрет на почетокот на самитот ЕУ-Западен Балкан во Трст, комесарот за проширување Јоханес Хан најавува дека Унијата ќе понуди финансирање на шест транспортни проекти- дел за автопати, а дел за железници.
„Еден од железничките проекти е и славниот Коридор 8, кој треба да изгради врска исток-запад од Бугарија преку пјР Македонија, и на крајот до Албанија", вели Хан за ДВ.
Во фокусот- транспортот и енергетиката
Во делот на инфраструктурата, ЕУ планира да привлече меѓународни финансиски институции преку финансирање на грантови за Западниот Балкан. Фокусот ќе биде на транспортот и енергетиката. Целта е да се формира пазар од 20 милиони потрошувачи кој ќе придонесе за побрз развој на регионот, но и за негово меѓусебно, и приближување кон ЕУ. Во Брисел, притоа, ги отфрлаат сугестиите и критиките дека на овој начин се формира некаква нова „Југославија" и тврдат дека тоа воопшто не е целта, а како пример за регионалното поврзување ги наведуваат балтичките држави. „Пазар од 20 милиони луѓе е многу атрактивен, а соработката на регионално ниво ќе им помогне на земјите да биде поконкурентни во самата ЕУ тогаш кога ќе станат дел од неа".
Најважната цел на ЕУ сега е да ги убеди земјите од Западниот Балкан „дека се дел од нас, дека се дел од семејството", вели висок ЕУ дипломат.
Македонија на самитот во Трст, како четврто продолжение на ткн. Берлински процес, ја претставуваат премиерот Зоран Заев, вицепремиерот Кочо Анѓушев и министрите за надворешни работи и транспорт Никола Димитров и Горан Сугарески.
Македонија- земја на иселеници
Илјадници луѓе секоја година си заминуваат од Македонија во потрага по подобар живот низ земјите на Западна Европа, северна Америка или Австралија. Традицијата не е нова, но во последниве години трендот е растечки.
Фотографија: picture-alliance/dpa/H. Battefeld
Масовно иселување
Според податоците на Светска банка, од прогласувањето на независноста до 2010 година од Македонија се иселиле над 440 илјади луѓе. Трендот последниве години повторно се засилува. Проценките се дека во последниве 5 години, најмалку по 20 илјади луѓе годишно ја напуштаат земјата.
Фотографија: picture alliance/AP Photo/N. Denette
Охрид – неславен рекордер
Во Охрид – градот рекордер по бројот на иселувања во Македонија, неславно рекордна е 2012 година, кога заминале 983 лица. Од Охрид за 11 години се иселени 7860 лица, или по две лица дневно. Најчесто се иселуваат младите.
Фотографија: picture alliance/landov/Z. Yi
Бесперспективност
Според податоците на Светска банка објавени неодамна, невработеноста кај младите во Македонија изнесува 50,08%, додека најновиот извештај на Евростат покажува дека речиси 40% од младите немаат работа, ниту се вклучени во процес на образование. Ваквите состојби поттикнуваат голем дел од нив својата иднина да ја гледаат надвор од државата.
Фотографија: DW/E. Milosevska
Правец Германија
Само во 2015 година, над 24 илјади македонски државјани ја напуштиле својата татковина во потрага по подобар живот во Германија. Од нив, 12 илјади останале. Бројката на македонски доселеници во Германија се приближува до рекордни 100 илјади.
Фотографија: Fotolia/clabert
Sprechen Sie Deutsch?
Според анкети спроведени во регионот и во земјата, германски јазик во Македонија во моментов учат околу 63.500 луѓе. За студирање во Германија потребно е познавање на германски јазик, кое се проверува преку специјални испити ТестДаФ и ДСХ. ТестДаФ се организира во 90 земји, меѓу кои е и Македонија. Но, може да се учи и во Германија.
Фотографија: picture-alliance/dpa/W. Kastl
Јагма за работни визи
Според податоците на ОЕЦД над 17 илјади луѓе од земјите на Западниот Балкан во првата половина од годинава добиле работни визи во Германија. На Македонија отпаѓа над 10 проценти од вкупната бројка. Германските власти им издале точно 1.841 работни дозволи на македонски државјани во првите шест месеци од годинава.
Фотографија: AP
Бугарски пасош
Илјадници Македонци во меѓувреме побараа и добија бугарски пасош, во обид полесно да заминат во некоја од западноевропска земја. Нивниот точен број не е познат, но според неодамнешното истражување на Призма, само во последните 10 години, 57 илјади Македонци земале пасош од источниот сосед. Се проценува дека вкупната бројка надминува 100 илјади луѓе.
