САД и Франција, како предлагачи на нацрт резолуцијата, се согласија да се отфрлат одредниците за економаки санкции и наместо тоа да се разгледуваат евентуалните понатамошни акции доколку Сирија одбива да соработува. Со резолуцијата, меѓудругото, се бара Дамаск да ги приведе и да им овозможи на истражителите на ОН да ги испитаат сите лица осомничени за убиството. Британскиот министер за надворешни работи, Џек Стро,вчера во Њујорк изјави:

,, Но исто така, на владата во Сирија и даваме до знаење дека нашето трпение има граници. Земјата се обрзува на потполна соработка и со тоа се обврзуваме и ние, да преземеме соодветни мерки со цекл да се осигураме дека Советот за безбедност на ОН, преку соодветната комисија, ќе има важна улога во случајот“ рече Стро. Истражителот на ОН , германецот Детлеф Мелис, во својот извештај напиша дека во убиството на Рафик Харири се вмешани високи функционери од сириските безбедносни структури.