Поранешниот американски претседател Бил Клинтон рече дека Шимон Перес бил „сонувач“. Говорејќи на погребот на Перес, Клинтон рече дека „неговите критичари често го нарекувале наивен, премногу оптимистичен сонувач. Тие грешеа само во делот на наивноста“, рече Клинтон. 

Израелскиот премиер Бенјамин Нетанјаху оцени дека собирот на светските лидери е тестамент за неговиот оптимизам, потрага по мир и љубов кон Израел. „Тој беше големиот човек на Израел. Тој беше голем човек на светот. Израел тагува по него. Светот тагува по него“, рече Нетанјаху.