Северна Кореја и покрај заострените санкции не се откажува од своите нуклеарни цели. Напротив, властодржецот Ким вели дека се оди кон постигнување рамноправност на силите со САД.
Фотографија: picture-alliance/KNS/KCNA
Реклама
Севернокорејскиот властодржец Ким Јунг Ун најави дека не се откажува од нуклеарната програма и покрај санкциите против неговата земја, јави државната севернокорејска агенција КЦНА.
Целта е да се постигне рамноправност на силите со САД „за владетелите во САД веќе да не се осмелуваат да зборуваат за воени опции против Демократска Народна Република Кореја“, го цитира КЦНА претседателот на државата Ким Јонг Ун. Северна Кореја „ќе ја постигне целта да стане нуклеарна сила и покрај бесконечните санкции и блокади“, вели Ким. Тој потенцира дека со најновиот ракетен тест неговата земја се приближила кон таа цел.
Северна Кореја вчера повторно лансираше ракета од типот Хвасонг-12 преку јапонска територија. Ракетата леташе 3700 километри пред да се урне во Пацификот.
Фотографија: picture-alliance/AP Images/KCNA
Итната седница на Советот за безбедност кој се одржа по ракетниот тест остана без голем резултат. СБ го осуди тестот како „екстремно провокаторски“ и едногласно донесе изјава во која од Пјонгјанг се бара веднаш да престане со своето однесување кое предизвикува огорченост во светот. Севернокорејските нуклеарни и ракетни тестови се закана не само за регионот, „туку за сите членки на ОН“, се вели во изјавата. Меѓутоа, Советот за безбедност не презеде други чекори. На почетокот на неделава беше донесен осмиот пакет санкции против Пјонгјанг.
За што е способна севернокорејската армија?
Северна Кореја повторно го привлекува вниманието на светската јавност. Тестирањето на интерконтиненталните ракети наидува на остри критики. Земјата има една од најголемите армии во светот. Но, продолжува да се вооружува
Фотографија: Reuters/KCNA
Меѓу најбројните армии во светот
Севернокорејската армија има 700 илјади војници и околу 4,5 милиони резервисти. Речиси секој петти жител на земјата е во војска. Сите мажи во комунистичкиот режим мораат да учествуваат во воената обука. Поради тоа, Северна Кореја има двојно повеќе војници од соседната Јужна Кореја.
Фотографија: Getty Images/AFP/E. Jones
Различни воени орудија
Според податоците наведени во Глобалниот индекс за вооружување, Северна Кореја во 2017 година располага со 76 подморници, 5.025 тенкови и 458 борбени авиони. На оваа фотографија од 2013 година, лидерот Ким Јонг Ун е сликан во командната централа на армијата.
Фотографија: picture-alliance/dpa
Воена парада
Севернокорејскиот режим секоја година ја демонстрира својата сила на воена парада во главниот град Пјонгјанг. Парадите воглавно се одржуваат за време на некој важен јубилеј на комунистичката земја или семејството Ким.
Фотографија: picture-alliance/dpa/KCNA
Интерконтинентални ракети
САД во четвртокот потврдија дека Северна Кореја успешно тестирала балистичка интерконтинентална ракета. Ракетата од типот „Хвасонг- 14“ е во состојба да ја погоди секоја цел во светот, јави државната новинска агенција КЦНА.
Фотографија: Getty Images/AFP/KCNA
Атомските проби продолжуваат
И покрај острите санкции, Северна Кореја продолжува со својата атомска програма. Само во 2016 година беа извршени пет нуклеарни проби. Јужнокорејскиот министер за одбрана Хан Мин Ко смета дека соседот наскоро ќе го изврши и шестиот тест.
Фотографија: picture-alliance/dpa/KCNA
Закана за светскиот мир
Кина и Русија се единствените земји кои се водат како сојузници на Северна Кореја. Режимот за главен непријател ја смета „империјалистичката сила САД“. Меѓу непријателите уште спаѓаат и Јужна Кореја и Јапонија.
Фотографија: Reuters/K. Hong-Ji
Крај на трпението?
По тестирањето на интерконтиненталните ракети на американското трпение му дојде крајот. Претседателот на САД, Доналд Трамп сака да најде решение со своите сојузници од Г20. Кина и Русија, во секој случај, сакаат да спречат американски напади врз воени цели во Северна Кореја.
