Сојузниот завод за статистика, со седиште во Визбаден, денеска (26.09) соопшти дека во Германија 15,7 милиони луѓе имаат странски корени, или цели 600.000 повеќе отколку во 2005 година. Од нив две третини се доселиле, а една третина се родиле во Германија. Мнозинството од овие луѓе - 8,6 милиони, има германски пасош. Најмногу има луѓе со турско потекло - 14 проценти.

Луѓето од доселенички семејства се во просек 35 години стари, или за цели 11 години помлади од просекот на останатите граѓани во земјата. Тие често имаат полоши квалификации од останиот дел на населението, што ги влошува нивните шанси на пазарот на работна сила. Луѓето со миграциско потекло се двапати почесто без работа од останатите, а тоа ја зголемува опасноста од сиромаштија.

Автор: ЕМФ/дпа

Редактор: Горан Чутаноски