Сенатот на САД се уште не го ратификувал протоколот за НАТО
22 октомври 2019![USA | Das Kapitol in Washington](https://static.dw.com/image/50572099_800.webp)
Сенатот на САД синоќа гласаше за затворање на дискусијата по точката со која се предвидува ратификација на Протоколот за членство на Северна Македонија во НАТО. Гласањето за ратификацијата во горниот дом на американскиот парламент е закажано за денеска во 18 часот по македонско време. Согласност за таа одлука уште во јули годинава даде и Комисијата за надворешна политика на Сенатот. Се очекува одлуката да биде поддржана со големо мнозинство гласови.
За Северна Македонија да стане полноправна членка на Алијансата неопходно е Протоколот да биде ратификуван во парламентите на сите 29 земји-членки, а на крајот и во македонското Собрание.
Поради закажаните избори во Шпанија, надежите на Скопје дека формалниот прием ќе се случи за време на самитот на НАТО во Лондон на почетокот на декември годинава не се остварија. Сегашните очекувања се дека тоа ќе се случи на почетокот на следната година, најверојатно во февруари.